La 26-an de novembro, 2003, respondeculo de la Shtata Statistika Administracio de Chinio diris, ke en 2003 la china nacia ekonomio kredeble kreskos je 8.5%, kaj pro tio la totala enlanda produktovaloro superos 11000 miliardojn da juanoj, kio markas, ke la sinteza nacia forto de Chinio suriros novan shtupon.

    En 2003 kapricis la internacia situacio, surprizis SARS kaj Chinio suferis de plurfojaj naturaj katastrofoj. Ghuste en tia situacio la nacia ekonomio de Chinio daure kreskas rapide. En la unua trimestro ghi kreskis je 9.9%, per kio ghi kreis novan rekordon de post 1997. En la dua trimestro pro SARS kaj naturaj katastrofoj la nacia ekonomio de Chinio kreskis nur je 6.7% kaj dank' al la kuna penado de la sia popolo Chinio akiris grandan periodan venkon super SARS. En la tria trimestro la nacia ekonomio de Chinio kreskis je 9.1% kompare kun la sama periodo de la pasinta jaro.

    Samtempe kun la rapida kresko de la nacia ekonomio, en la ekonomia vivo de Chinio aperis multe da ghojindaj aferoj: La rezervitaj monsumoj de fremdaj valutoj superis 400 miliardojn da usonaj dolaroj, kaj la deponitaj monsumoj de loghantoj superis 10000 miliardojn da juanoj. La kresko de la industria produktado estis la plej rapida de post 1995. La totala sumo de importo kaj eksporto superis tiun de la pasinta jaro. La investado de fiksitaj kapitaloj estas plej granda. Vendado de automobiloj estas rapida. Glate iris konstruado de la Tri Gorghoj de Yangzi-rivero, inghenierajho pri konduko de akvo de sude norden kaj aliaj gravegaj inghenierajhoj. Kaj krom tio Chinio sukcese lanchis la homportan kosmoshipon Shenzhou-5.