La 18-an de januaro la Ministerio de Sano de Chinio urghe anoncis, ke chiuj lokoj de Chinio devas trejni fakajn medicinistojn pri la scioj preventi kaj kuraci birdan gripon.

    Antau nelonge en iuj najbaraj landoj de Chinio okazis epidemio de birda gripo (H5N1) kaj ie tiu malsano infektis ech homojn kaj eventuale disvastighos inter la homoj. La birda gripo estas infekta malsano de birdoj al homoj. Se ghi disvastighus inter la homoj, tio serioze minacus la homajn sanon, sekurecon kaj la nacian ekonomion de Chinio. Nun al la chinaj medicinistoj mankas scioj pri prevento kaj kuraco de tiu malsano, tial oni urghe bezonas fari trejnadon.

    La ministerio postulas, ke la kuracistoj kaj flegistinoj devas posedi fundamentajn sciojn pri prevento kaj kuraco de tiu malsano, diagnoza normo, kuraca principo, procedo kaj bazaj postuloj de epidemia raporto, koncernaj leghoj kaj reguloj. Laboratoristoj devas koni ankau regulojn por ekzameni tiun malsanon.