China prezidanto Hu Jintao vizitis Algherion kaj faris la 3-an de februaro oficialan interparoladon kun algheria prezidanto Abdelaziz Bouteflika. Ili faris profundan intershanghon pri la amikaj interrilatoj de la du landoj kaj aliaj komune interesataj problemoj.

    Tio estis ilia duafoja renkontigho de la pasinta jaro. Prezidanto Hu diris, ke Chinio alte taksas la amikajn interrilatojn inter Chinio kaj Algherio kaj volontas kunlabori kun Algherio, utiligante la shancon de la 45-a datreveno de la fondigho de la diplomatiaj rilatoj inter la du landoj por disvolvi la strategian kunlaboran rilaton inter la du landoj kaj skribi novan paghon de la amika kunlaboro. Chinio proponis unue, ke gvidantoj de la du landoj faru interviziton kaj intershanghon pli ofte kaj gvidu disvolvighon de la duflankaj interrilatoj el vidpunkto de la strategia kunlaboro; due, ke la du landoj pliintensigu la ekonomia-komercan kunlaboron. Ili devas daurigi kunlaboron en la tradiciaj kampoj kaj samtempe kun tio energie kunlabori en ole-gasa disvolvado, konstruado de fundamentaj instalajhoj, tele-komunikado, agrikulturo kaj disvolvo de talentula richfonto. Chinio subtenas siajn potencajn entreprenojn fari vastan partoprenon en la ekonomia konstruado de Algherio kaj deziras, ke la algeria registaro subtenu kaj oportunigu la penadon de chinaj entreprenistoj; trie, ke la du landoj intensigu sian kunlaboron en la medicina, higiena, kultura, scienc-teknologia kaj eduka rondoj kaj kuraghigu intershanghon kaj kunlaboron de la justicaj establajhoj, partiaj, popolaj kaj junulaj establajhoj de la du landoj; kvare, ke la du landoj faru pli da interkonsiligho pri gravaj internaciaj kaj regionaj problemoj por la internacia demokratio kaj sud-suda kunlaboro.

    Abdelazis Boutgeflika diris, ke kvankam la du landoj situas malproksime, tamen iliaj popoloj estas konkordaj kaj amikaj. La algheria registaro alte taksas sian rilaton kun Chinio kaj donas grandan atenton al sia strategia kunlaboro kun Chinio.

    La du shtatestroj cheestis ceremonion de subskribo de "Kontrakto pri ekonomia-teknika kunlaboro de la registaroj de la China Popola Respubliko kaj Algheria Demokrati-popola Respubliko" kaj aliaj paktoj.