La 5-an de februaro respondeculoj de la Ministerio de Agrikulturo kaj Ministerio de Sano de Chinio diris en la gazetara konferenco, okazigita de la Informa Oficejo de la Shtata Konsilantaro, ke nun en Chinio neniu infektighis de birda gripo H5N1.

    Ili diris, ke post kiam okazis alte patogena birda gripo Chinio alprenis urghajn metodojn por regi ghin. Nun Chinio jam bone traktis la aperintajn kazojn de birda gripo kaj trovis neniun, kiu infektighis de birda gripo.

    Nun en Chinio estas kompleta kontrauepidemia reto kaj monitora sistemo de animalaj epidemioj. Sub la Ministerio de Agrikulturo nun funkcias 300 monitoraj stacioj de animalaj epidemioj kaj che la landlimoj 147 tiaj stacioj. En Chinio funkcias ankau provincaj kaj ministeriaj laboratorioj pri animalaj epidemioj, kiuj ellaboris bonajn rimedojn por preventi kaj kuraci la epidemiojn kaj teknologian regularon.

    La china registaro postulas, ke chiuj lokoj kaj koncernaj departementoj intensigu medicinan monitoradon por preventi infektadon de birda gripo al la homoj, perfektigu la preventajn rimedojn al la loghantoj de la epidemiaj lokoj kaj homoj, kiuj kontaktas birdojn, ekipu ilin per necesaj preventaj instalajhoj, levu la konscion de la popolo pri higieno kaj sekureco kaj bone faru memprotektadon kaj medicinan monitoradon al la homoj, kiuj facile infektighas de la epidemio, por frue trovi, raporti, izoli kaj kuraci la infektitojn.