En la 8-a de februaro de 2004, Chinio publikigis la "Proponojn de la Centra Komitato de la Komunista Partio de Chinio kaj la Shtata Konsilantaro de Chinio pri Multigo de la Enspezo de Kamparanoj", nomatajn ankau la Unua Dokumento. Post 18 jaroj Chinio refoje metis problemon de la kamparo en la Unuan Dokumenton. Tio montras, ke Chinio prenis nuntempe "agrikulturon, kamparon kaj kamparanojn" kiel la plej gravan laboron.

     Granda parto de la dokumento tushas rektan mon-subtenon, tial oni ghin nomas ankau Dokumento kun Granda Enteno de Oro. La dokumento metas la graviton sur multigon de la enspezo de la chefa gren-produkta regiono. Tio ankau estas malfacile solvebla problemo de kamparanoj en longa tempo, kiu koncernas 9 flankojn: forte disvolvi grenan industrion en gren-produkta regiono por multigi la enspezon de kamparanoj; antauenpushi reordigon de agrikultura strukturo por utiligi latentan forton; disvolvi la sekundaran kaj terciaran industriojn de agrikulturo por malfermi novan vojon multigi la enspezon de kamparanoj; plibonigi la enpostenigajn kondichojn por kamparanoj en urboj kaj altigi ilian salajron; pere de la merkata sistemo vigligi vend-achetan cirkuladon de agrikulturaj produktajhoj; plifortigi bazan konstruadon de la kamparo por krei kondichojn multigi la enspezon de kamparanoj; profundigi reformadon de la kamparo por prezenti protektan sistemon pri multigo de la enspezo de kamparanoj; helpi malrichajn kamparanojn; kaj solvi problemojn de malrichaj kamparanoj kaj tiuj, kiuj suferas katastrofojn.

    Alte taksi kaj solvi la problemojn de agrikulturo, kamparo kaj kamparanoj estas la strategia ideo de 3-generaciaj gvidantaroj de la shtato. De 1982 ghis 1986 la shtato kontinue faris 5 "Unuajn Dokumentojn" tushantajn la kamparan laboron, kio multe levis la entuziasmon de kamparanoj por disvolvi agrikulturon.