En
la 9-a de februaro de 2004 respondeculo de la financa gvida grupo
de Chinio informis en la gazetara konferenco okazigita de la Informa
Oficejo de la Shtata Konsilantaro de la China Popola Respubliko,
ke en 2003 la china registaro elspezis 120 miliardojn da juanoj
por subteni agrikulturon kaj en 2004 la sumo atingos 150 miliardojn
da juanoj. La kreskinta parto de la sumo jam estis pretigita de
la Financa Ministerio kaj la elspezigho praktikighos post la ekzameno
de la Tutlanda Popola Kongreso en marto.
La
respondeculo diris, ke la kreskinta parto de la sumo estos uzata
por kvar aferoj: unue, por subteni impostan reformadon en la kamparo
kaj transiran pagon de la centra financo; due, por subteni ekologian
konstruadon, ekzemple forstumado kaj akvomastrumado; trie, por akceli
progreson de la sociaj aferoj de la kamparo, precipe edukado, higieno
kaj trejnado de junuloj; kvare, por subteni konstruadon de mezgrandaj
kaj malgrandaj instalajhoj de agrikulturo kaj bonstatigan aferon
en la kamparo.
En
la lastaj jaroj rapide kreksis la china ekonomio, sed nun ankorau
ekzistas malakordoj inter la urboj kaj la kamparo kaj tiuj inter
regionoj. Por bone solvi la problemon de agrikulturo, kamparo kaj
kamparanoj, nome la agrikulturo restas neavangarda, la kamparo neprospera
kaj la kamparanoj nebonstataj, kaj pene levi la enspezon de la kamparanoj,
la registaro refoje multigos elspezon por la agrikulturo cele harmonie
disvolvi la tutan landon.
|