La dua sesio de la ses-flanka intertraktado pri la nuklea problemo de la Korea Popol-demokratia Respubliko (KPDR) komencighis hodiau je la 9-a horo matene en Pekino.

    En la 24-a de februaro la delegacioj de Chinio, KPDR, Usono, Korea Respubliko, Rusio kaj Japanio venis en Pekinon. Ili faris urghan interkonsilighon, pritraktis sian starpunkton kaj serchis komunajn opiniojn cele krei taugajn kondichojn por la intertraktado.

    Estro de la china delegacio kaj vicministro de eksteraj aferoj Wang Yi konigis al la cheestantoj la laboron de Chinio por pacigi la koncernajn flankojn kaj akceli la intertraktadon. Li emfazis, ke en la dua sesio oni komencos diskuton pri praktikaj problemoj, kaj malgrau multe da malfaciloj li deziris, ke chiuj cheestantoj respektu unu alian kaj faru chion eblan por la intertraktado.

    La triflanka intertraktado de Chinio, KPDR kaj Usono okazinta aprile de 2003, la unua sesio de la sesflanka intertraktado de Chinio, KPDR, Usono, Korea Respubliko, Japanio kaj Rusio okazinta auguste de 2003 kaj la chi-foja intertraktado estas vaste atentataj de la tutmonda vehiklo. Lau statistiko, pli ol 600 chinaj kaj alilandaj jhurnalistoj deziras viziti la intertraktadon.