Matene de la 25-a de februaro inaugurighis en Pekino la dua sesio de la ses-flanka intertraktado pri la nuklea problemo de la Korea Duoninsulo kaj post tio okazis plena kunveno, en kiu la estroj de chiuj delegacioj pritraktis sian starpunkton pri la nuklea problemo de la Korea Duoninsulo kaj atingis certan komunan konon.

    Oficisto de la Ministerio de Eksteraj Aferoj de Chinio diris, ke chiuj flankoj parolis sobre kaj praktike, kaj ili atingis certan komunan konon, kvankam ekzistas malakordoj. La ses flankoj konfirmis la pacan metodon por solvi la nuklean problemon, opiniante ke la intertraktado devas dauri malgrau chiaj malfaciloj.

    La ses flankoj pluapashe certighis pri la celo de la sesio, t.e. sennukleigo de la duoninsulo. Ili opiniis, ke realigho de la celo konformas al la interesoj de chiuj landoj kaj utilas al la paco, stabileco kaj prospero de la nordorienta Azio.

    La cheestantoj konsentis solvi la nuklean problemon per konkordaj pashoj kaj opiniis, ke agado estas plej efika rimedo por starigi konfidon.

    Oni faris primaran diskuton pri iuj praktikaj problemoj kaj faris iujn proponojn.

    La inauguro kaj plena kunveno dauris pli ol 4 horojn. Hodiau matene dauros la kunveno.