Posttagmeze de la 9-a de marto la Dua Sesio de la Deka Tutlanda Popola Kongreso okazigis gazetaran konferencon en Pekino, kie gvidantoj de la Ministerio de Laboro kaj Socia Garantio respondis demandojn de raportistoj.

    La gvidantoj de la ministerio diris en la konferenco, ke en 2004 Chinio ellaboros kaj kompletigos koncernan sistemon por ne prokrasti salajradon al la kamparaj laboristoj.

    Vicministro de la ministerio diris, ke en 2004 oni plirapidigos projektadon de "Reguloj pri inspektado de laboro" kaj "reguloj pri salajrado". Li diris, ke Chinio ellaboros longdauran kaj avertan sistemojn por preventi refojan prokraston de salajrado dum kvitigho de la antaua shuldo. Dank' al tio la salajrado kaj sociaj rajtoj de la kamparaj laboristoj estos garantiataj, same kiel tiuj de la urbanoj.

    Ministro de Laboro kaj Socia Garantio Zheng Silin diris, ke la registaro senvalidigos la lokajn regulojn diskriminaciantajn la kamparajn laboristojn en la urba laborigo, konstruos laborulan merkaton, egale traktos la urbanojn kaj kamparanojn kaj punos leghajn personojn de entreprenoj kaj individuojn, kiuj damaghos la rajtojn de la kamparaj laboristoj.

    Lau nekompleta statistiko, nun en Chinio estas 93 milionoj da kamparaj laboristoj, kiuj plejparte laboras en konstruaj kaj servaj entreprenoj. Materialoj montras, ke de 2003 ghis februaro de 2004 la registaroj de diversaj lokoj kvitigis la shuldintojn kun la kamparaj laboristoj per 25 miliardoj da juanoj, kiuj konsistigas pli ol 90% de la totala shuldita sumo en 2003.

    Chefministro Wen Jiabao diris en sia raporto pri registara laboro, ke la registaro solvos en 3 jaroj la problemon pri shuldo al la konstruado kaj al la kamparaj laboristoj de konstruaj entreprenoj. Multaj shtatoficistoj diris, ke ili estas fidoplenaj solvi tiun problemon en la dauro de malpli ol 3 jaroj.