La 15-an de marto diverslokaj asekuristoj de Chinio promesis al la publiko honestan administradon, tio markis starton de konstruado de la honesta sistemo en la asekura kampo.

    En la pasinta jaro 1.5 milionoj da chinoj laboris en la asekuraj kompanioj kaj tiuflanka enspezo atingis 388 miliardojn da juanoj (unu usona dolaro egalas ch. 8.3 juanojn). Dum rapida disvolvigho de la asekuraj entreprenoj aperis mankoj, ekz., asekuristoj malobservis la administran regularon, asekuratoj malfacile ricevis kompenson kaj aliaj gravaj problemoj, kiuj serioze malhelpis kaj senhonorigis la asekurajn kompaniojn. Respondeculo de la Asekur-kontrola Administracio diris, ke la konstruado de la honesta sistemo en la asekura kampo bezonas 3-5 jarojn.

    Nun estis fonditaj institucioj de honesta kontrolado en diversaj lokoj de Chinio kaj ellaboritaj ekzameno-normoj de fidindeco de la asekuraj kompanioj. Surbaze de rimedoj de diversaj lokoj kaj lau la honesta sistemo en la china asekura kampo oni projektos kaj disvolvos reton de fidindeco kaj datenbankon kaj konstruos en la asekura kampo la sistemon de fidindeco-normo kaj tiun de premiado kaj punado.