En 2004 la china registaro decidis emisii obligaciojn de 110 miliardoj da juanoj por longtempa konstruado. Tio estas la 7-foja emisio de obligacioj por longtempa konstruado. Chi-jare la registaro asignos la pruntitan monon chefe por la kampara kaj socia disvolvigho.

    Chi-jare la pruntita mono estos uzata chefe por disvolvado de agrikulturo kaj kamparo, por konstruado de iliaj fundamentaj instalajhoj kaj harmonia disvolvigho de la urboj kaj kamparo; por konstruado de la sociaj aferoj, ekz. publika kuracado kaj higieno, fundamenta edukado, konstruado de fundamentaj instalajhoj de la baza regpotenco, publika sekureco, prokurora kaj jugha aferoj kun la celo akceli harmonian disvolvighon de la socio kaj ekonomio; por ekonomia disvolvigho de la okcidenta parto de Chinio kaj reordigo kaj reformado de la malnova industria bazo de la nordoriento de Chinio kun la celo akceli la harmonian disvolvighon de diversaj lokoj; por ekologia konstruado kaj medi-protektado cele akceli la harmonian disvolvighon de la homoj kaj naturo; por konstruado de gravaj fundamentaj instalajhoj cele krei necesajn kondichojn por la longtempa kaj stabila ekonomia kaj socia disvolvigho.

    Cao Yushu, proparolanto de la Shtata Komisiono por Disvolvo kaj Reformado, diris antau nelonge en la gazetara konferenco, ke nun la nacia ekonomio de Chinio jam eniris en la novan periodon de disvolvigho kaj la obligacioj de 110 miliardoj da juanoj estos uzataj por levi la kvaliton de ekonomia kresko kaj por realigi la kompletan, kontinuan kaj harmonian disvolvighon.