La 23-an de marto Kong Quan, proparolanto de la Ministerio de Eksteraj Aferoj de Chinio, faris paroladon pri tio, ke chi-jare Usono faros proponon kontrau Chinio pri homaj rajtoj.

    Kong diris, ke la china registaro alte taksas la aferojn pri homaj rajtoj kaj serioze plenumas la internaciajn paktojn pri homaj rajtoj, al kiuj Chinio jam alighis. En la pasinta jaro ghi aktive faris konstruadon de demokratio kaj legha sistemo kaj reformadon de jura sistemo kaj alprenis multe da rimedoj por garantii homajn rajtojn kaj antau nelonge la Dua Sesio de la Deka Tutlanda Popola Kongreso decidis enskribi respekton kaj garantion de homaj rajtoj en la konstitucion. Tio havas profundan signifon. La progreso, akirita de Chinio en la kampo de homaj rajtoj, estas vaste laudata de la internacia socio. Inter Chinio kaj Usono vere ekzistas malakordo pri homaj rajtoj, tamen Chinio deziras solvi ghin surbaze de egaleco kaj reciproka respekto pere de dialogo kaj intershangho de opinioj. Pro tio Chinio faris senlacan penadon kaj montris sian sincerecon kaj flekseblecon.

    Usono malobservis sian promeson kaj faris proponon kontrau Chinio ne por prizorgi homajn rajtojn, sed pro bezono de sia enlanda politiko por interveni en la internajn aferojn de Chinio pere de la problemo pri homaj rajtoj. Tio estas politikigo de homaj rajtoj kaj nigrigo de la noblaj aferoj pri homaj rajtoj.