La
29-an de marto la Nasko-Genetika Centro de la Unua Hospitalo sub
la Pekina Universitato publikigis, ke nun estas preparata la unua
banko de ovoloj en Chinio, kiu tre faciligas konservadon de ovoloj
por virinoj.
Ghenerale,
la ovoloj mortas 10 horojn post sia forlaso de la utero, sed en
la banko ili povas revivighi ech post 10 jaroj, tial la virinoj,
kiuj portempe ne volas naski, kaj tiuj, kiuj sin okupos pri dangheraj
laboroj kaj timas eventualan malfelichon de sia solinfano, povas
unue fridigi sian ovolon por konservado kaj poste revivigi ghin
por gravedighi en la tauga tempo.
Nun
nur Usono havas tian bankon. La Unua Hospitalo sub la Pekina Universitato,
kiu nun preparas la bankon, jam sukcesigis gravedighon por 4 virinoj,
aplikante tiun teknikon. Oni diris, ke maje de 2004 naskighos la
unua bebo, formighinte de tiamaniere fekundita ovolo.
|