La 14-an de aprilo, 2004, s-ro Li Weiyi, proparolanto de la Oficejo pri Taiwan-aj Aferoj sub la Shtata Konsilantaro de Chinio, diris en la gazetara konferenco, ke kiel ajn shanghigos la situacio de Taiwan, restos neshangheblaj la volo kaj decido de Chinio pri reunuigo de la patrio. Chinio per plej granda sincereco faros plej grandan penadon por la brila perspektivo de paca reunuigho. Sed oni neniel toleros sendependighon de Taiwan nek permesos disigi Taiwan disde la china teritorio per kia ajn rimedo. La chinaj registaro kaj popolo je chia kosto defendos la suverenecon de sia shtato kaj la integrecon de sia teritorio.

    Koncerne la balotadon okazigitan de la gvidanto de Taiwan, li diris, ke unu flanko de la elektokampanjo ghis nun ne rekonis la rezulton de la elekto kaj en Taiwan eksplodis grandskala popola protestado. La china kaj alilanda publiko opinias, ke por esti elektita, Chen Shuibian senskrupule kreis klanan kontraustaron kaj socian tumulton, malice provokis la chefteron, damaghis la interrilatojn inter Taiwan kaj la cheftero je la kosto de la popolaj interesoj de Taiwan.

    Li diris, ke en la 4 jaroj, kiam regis Chen Shuibian la nestabilaj faktoroj kreskis en la Taiwan-a socio kaj malignighis la disvolva medio. Tio estas rezulto, ke Chen Shuibian obstine persistis en starpunkto pri sendependigho de Taiwan. Lia aktivado detruis la Taiwan-an socion, damaghis la interrilatojn ambauborde de la markolo kaj kauzis rektan minacon al la paco kaj stabileco en la Azi-pacifika Regiono.

    Antau kelkaj tagoj Chen diris, ke la chefa opinio de Taiwan estas "defendi Taiwan kaj rezisti kontrau Chinio". Pri tio Li Weiyi diris, ke tio ne estas la chefa opinio de la Taiwan-a popolo, sed konfeso de Chen Shuibian, ke li kreis kontraustaron ambauborde de la markolo kaj ofertis sendependighon de Taiwan. La Taiwan-aj loghantoj plejparte deziras stabilecon kaj disvolvighon de la interrilatoj ambauborde de la markolo kaj ne aprobas, ke Chen provokas la chefteron. La nevalida balotado de la 20-a de marto klare montras tion. Chen provis erarigi la Taiwan-ajn loghantojn kaj serioze damaghis la interrilatojn ambauborde de la markolo, kio rekte malutilas al la socia stabileco, ekonomia disvolvigho kaj popola felicho de Taiwan.

    Li Weiyi diris, ke por trompi la Taiwan-an popolon kaj internacian opinion, Chen Shuibian proponas "pacan kaj stabilan framon por ambau flankoj" kaj "unu pacan principon". Samtempe kun tio li plurfoje deklaris, ke en 2006 li organizos publikan konstitucian balotadon kaj praktikos la tiel nomatan novan konstitucion por ke Taiwan estu "normala, kompleta shtato". Tio ja estas tempo-tabelo, kiu kondukas al sendependigho de Taiwan kaj certe kauzos strechitecon kaj dangheron en la regiono de Taiwan kaj la markolo. Chen Shuibian kategorie rifuzas la principon pri unu Chinio, la bazon por disvolvigho kaj stabileco de la interrilatoj ambauborde de la markolo. Li ja energie sin okupas pri damagho de la pacaj kaj stabilaj interrilatoj ambauborde de la markolo, sed volas trompi la publikan opinion per la tiel nomata "paca kaj stabila framo" kaj rezulte de tio lia malica intenco pli evidentighis.

    La proparolanto diris, ke malgrau la fiago de Chen Shuibian, la cheftero estas fidoplena pri la perspektivo de la interrilatoj ambauborde de la markolo.