La 18-an de aprilo okazis konferenco pri investado por la Pekinaj Olimpikoj. Tio markas, ke la ekonomia strategio pri la Pekinaj Olimpikoj estis oficiale lanchita.

    La konferenco organizita de la Pekina Disvolva kaj Reforma Komisiono kaj aliaj 15 registaraj departementoj fronte la tutan mondon altiris al si pli ol 300 famajn entreprenojn, diplomatojn de 20 landoj en Chinio kaj multe da jhurnalistoj. La aktivadon cheestis proksimume mil personoj.

    Respondeculo de la Pekina Disvolva kaj Reforma Komisiono diris en la konferenco, ke la ekonomia disvolvigho de la Pekinaj Olimpikoj estas formanta gigantan merkaton, kiu ampleksas chefe konstruadon de la Olimpikaj stadionoj kaj sporthaloj kaj ilian entreprenadon; konstruadon de la fundamentaj instalajhoj de Pekino kaj plialtigon de ilia kapablo; disvolvighon de la moderna fabrikado kaj novaj altteknologioj; disvolvighon de financo, komerco, var-intershangho, ekspozicio, turismo kaj aliaj; konstruadon de urbetoj kaj novaj urboj kaj disvolvighon de biendoma industrio; edukadon, kulturon, medicinon, higienon, loghkvartalan servon kaj publikan sekurecon. Oni taksis, ke en la venontaj 7 jaroj la bezono de investado kaj merkata konsumo superos 3 mil miliardojn da juanoj.