La 27-an de aprilo en la altranga kunsido pri scienca traktado de katastrofoj en la 60-a Sesio de la Azi-Pacifika Ekonomi-Socia Komisiono en Shanhajo la china registaro promesis helpi aliajn landojn en tiu regiono por redukti naturajn katastrofojn per siaj kosmonautikaj teknologioj.

    Luan Enjie, estro de la Shtata Kosmonautika Administracio de Chinio, diris en la kunsido, ke che la eventuala grava natura katastrofo de la Azi-Pacifika Regiono, Chinio faros chion eblan por doni necesan helpon kaj faros katastrofo-reduktan trejnadon al disvolvighantaj landoj de tiu regiono.

    En la nomo de la china registaro li proponis, ke la landoj en tiu regiono plene utiligu la kosmonautikajn teknologiojn por malpliigo de naturaj katastrofoj kaj traktado de ili, establu reguligan sistemon per kosmonautikaj teknologioj cele ilin redukti, intensigi kunlaboron en tiuj sferoj, utiligi la nunajn kaj estontajn richfontojn pere de la internacia kunlaboro kaj establi taugan sistemon por monitori naturajn katastrofojn pere de komuna divido de la kosmonautikaj richfontoj kaj donitajhoj por mildigo de naturaj katastrofoj.

    Por plene disvolvi sian rolon en la internacia batalo kontrau naturaj katastrofoj kaj paca utiligo de la ekstera spaco la china registaro decidis lanchi malgrandan sateliton por grandarea kaj eterna monitorado de naturaj katastrofoj, por ke ghi farighu unu el la platformoj malpliigi naturajn katastrofojn en tiu regiono.

    La propono de la china registaro kaj ghia penado en tiu sfero estis varme laudata de chiuj cheestantoj.