La 11-an de majo, brita reghino Elizabeth la Dua akceptis en Buckingham-palaco chinan chefministron Wen Jiabao vizitantan Brition. La du gvidantoj faris intiman kaj amikan interparolon.

    Wen Jiabao transdonis bondezirojn de china prezidanto Hu Jintao al la brita reghino. Li diris, ke shia reghina moshto vizitis Chinion en 1986 la unua kiel la brita shtatestro kaj per tio faris gravan kontribuon al disvolvo de la interrilatoj inter Chinio kaj Britio kaj akcelo de la reciproka kompreno kaj amikeco de la du popoloj. Li diris, ke Chinio admiras la penadon de shia reghina moshto kaj la brita regha familio por akceli la dulandajn rilatojn.

    Wen Jiabao diris, ke chi-foje, kiam li vizitis Brition, la du landoj publikigis komunan deklaron kaj decidis fondi kompletajn strategiajn partnerajn rilatojn. La du registaroj decidis gravajn kampojn, en kiuj la du landoj devas intensigi sian kunlaboron. La ekonomi-komercaj rilatoj inter la du landoj disvolvighis rapide kaj nun ili farighis gravaj kunlaboraj partneroj. La duflanka komerca valoro kaj monsumo investita de la britoj en Chinio okupas rimarkindan lokon inter la landoj de Europa Unio. Nun inter la du landoj ne estas nesolvita problemo kaj estas nur komunaj interesoj kaj solida bazo por kunlaboro, tial la du flankoj devas fari kunan penadon por pluapashe disvolvi kunlaboron en edukado, sciencoj kaj tekniko kaj kulturo.

    La brita reghino petis la chinan chefministron transdoni shiajn bondezirojn al prezidanto Hu. Shi diris, ke nun la rilatoj inter la du landoj estas bonaj, la ekonomi-komerca kunlaboro estas intima kaj ankau homoj ofte intervizitas. Nun multe da elstaraj chinaj junuloj studas en Britio, kio tre utilas al la dulandaj rilatoj. Shi deziris, ke la du landoj daure dilatu la intershanghon kaj kunlaboron sur chiuj kampoj.