La 17-an de majo, la altrangula kunveno de la 27-a Azi-Pacifika Konferenco de la Nutrajha kaj Agrikultura Organizo de UN inaugurighis en Pekino. China vicministro de agrikulturo Zhang Baowen diris en la inauguro, ke la china agrikulturo faris rimarkindan kontribuon al la la grena sekureco de la mondo.

    Zhang diris, ke en la pasintaj 20 jaroj la china registaro persistis en reformado kaj pordmalfermo, dank' al kio la china agrikulturo akiris grandajn sukcesojn. Fine de la 20-a jarcento la nombro de la malrichuloj de Chinio jam mallevighis de 25% al 3%. Chinio ne nur solvis la problemon pri nutrajhoj, sed ankau realigis bonhavighon.

    Li diris, ke Chinio deziras, ke pere de tiu chi konferenco ankau aliaj landoj de la Azi-Pacifika Regiono kune ghuu la sukcesojn kaj fruktojn de Chinio kaj kune diskutu pri la strategia vojo por kune disvolvi agrikulturon.

    La konferenco dauros 5 tagojn. Ghi konsistas el altrangula kaj ministra kunvenoj. En la konferenco reprezentantoj de la 30 membroj de la Nutrajha kaj Agrikultura Organizo de UN en la Azi-Pacifika Regiono faros diskuton kaj intershanghon pri agrikulturo, kampara disvolvigho kaj grena sekureco en la nomita regiono.