En
la 12-a de januaro de 2004 la China Esperanto-Ligo okazigis
la unuan gazetaran konferencon en la Informa Oficejo de la
Shtata Konsilantaro, kie oni anoncis, ke Wu Bangguo, prezidanto
de la Konstanta Komitato de la Tutlanda Popola Kongreso, farighis
alta protektanto de la 89-a UK. Jhurnalistoj el pli 40 amaskomunikiloj
partoprenis la konferencon. La reto de la Xinhua-a Novajh-agentejo
(www.xinhuanet.com) kaj China Interreta Informa Centro (www.china.org.cn
) faris simultanan raportadon, ankau la China Centra Televida
Stacio, Pekina Televida Stacio k.s. raportis la konferencon.
El Popola Chinio surretigis artikolojn pri la konferenco.
En la lastaj tagoj la redakcio de El Popola Chinio ricevis
gratulajn retleterojn el Kroatio, Austrio, Usono, Belgio,
Israelo, Kubo, Italio, Brazilo, Francio, Azerbajghano k.a.
Ili montras sian dankon kaj gratulon al Wu Bangguo kaj la
China Esperanto-Ligo.
Humphrey
Tonkin, vicprezidanto de Universala Esperanto-Asocio (UEA)
gratulas al ni, ke Wu Bangguo farighis alta protektanto de
la 89-a UK. Osmo Buller, kiu en aprilo enpostenighos kiel
ghenerala direktoro de la Centra Oficejo de UEA, skribis al
ni: "Mi gratulas vin, ke vi sukcesis varbi tiel eminentan
Altan Protektanton! Li donos multe da prestigho al nia kongreso.
Mi ankorau sendos apartan gratulmesajhon pri tiu chi afero."
Jene
estas pecoj el la gratulaj leteroj:
Koran
dankon al prezidanto de la Konstanta Komitato de la Tutlanda
Popola Kongreso ke li akceptis altan protektantecon de Universala
Kongreso de Esperanto en Chinio.
Korajn
gratulojn al China Esperanto-Ligo por la laboro.
Kroata
Esperanto-Ligo
Spomenka Stimec
Kiel
konstanta auskultanto de la Esperanto-elsendoj de China Radio
Internacia -- nun ankau per http://radioarkivo.org audebla
-- mi jam estas informita pri la sukceso gajni s-ron Wu Bangguo
kiel altan protektanton, sed nur per via skriba informo mi
nun povas ghuste skribi la nomon de la prezidanto de la Konstanta
Komitato de la Tutlanda Popola Kongreso.
Gratulon
pro tio, ke s-ro Wu Bangguo estas la alta protektanto de la
89-a UK!
Ghis
revido en Pekino!
Amike
Leopold
Patek, kongresnumero 515 (Austrio)
Tio,
ke s-ro Wu Bangguo, prezidanto de la Konstanta Komitato de
la Tutlanda Popola Kongreso, estos alta protektanto de la
89-a UK, estas signo de tio, ke gvidantoj de Chinio aprezas
la signifon de Esperanto por la internacia komprenigho. Gratulon
al chinaj esperantistoj pro la bonega preparado de la epokfara
Universala Kongreso!
Boris
Kolker (Usono)
Estimataj
gesamideanoj,
Mi
kore gratulas vin pro la arangho de tia vasta gazetara konferenco
en kiu cheestis tiom multe da raportistoj.
Estas
granda honoro, ne nur por la chinaj samideanoj, sed nepre
ankau por chiuj UK-partoprenontoj, ke tri altestimataj personoj
de via registaro protektos kaj honorigos la 89-an UK-on. La
grandega Chinio montros al la tuta mondo grandegan Esperanto-kongreson!
Gratulojn kaj dankojn!
Raymond
Wylleman (Belgio)
Karegaj
geamikoj el Chinio,
Unue
mi deziras gratuli s-ron Wu Bangguo pro lia donado de alta
protektado al la 89-a Universala Kongreso en Pekino.
Samtempe
mi gratulas chiujn kiuj kunlaboras en la organizado de tiu
kongreso, inkluzive de la redakcio de El Popola Chinio, pro
la oficiala honoro kiun ili ricevis fare de la prezidanto
de la Konstanta Komitato de la Tutlanda Popola Kongreso de
Chinio.
Amike
kaj E-sente,
Gian Piero Savio
(Israelo)
Karaj
samideanoj,
Kun
ghojo mi ricevis la novajhon kun la nomo de la Alta Protektanto
de la 89-a UK. Chinio nuntempe antauenpashas en multaj sferoj
kaj fakoj de la homa vivo, kaj laste mi legis pri la satelitaj
programoj kaj agado.
Mi
tute certas, ke la E-kongreso estos sukcesa!
Elkorajn
gratulojn.
Samideane
kaj amike,
Norberto
Diaz Guevara (Kubo)
Karaj
chinaj gesamideanoj,
Mi
dankas pro la informo kaj kore gratulas pri la prestigha gazetara
konferenco.
Samtempe,
mi informas ke jam 4 gesamideanoj el nia urbo Padova (Italio)
alighis al kongreso. Mi vin dankas por la venontaj informoj.
Giancarlo
Rinaldo (Italio)
Al
s-anoj en Chinio ni dankas pro la informoj pri la 89-a UK
Sukceson kaj gratulojn al Moshto S-ro Wu Bangguo.
Mauricio
Monken Gomes (Brazilo)
Mi
dankas s-ron Wu Bangguo ke li volas esti la alta protektanto
de la 89-a UK en Pekino.
Familie
Rau (Belgio)
Viaj
paghoj pri la venonta UK estas gratulindaj pro sia bona prezentado
kaj sia granda intereso.
La
raporto pri la gazetara konferenco antau la 89-a UK montras
al ni ke viaj eminentaj apogantoj de tiu kongreso kaj viaj
gazetaraj reprezentantoj ghuste taksas la rolon de Esperanto
por via lando kaj por la internacia kunlaboro de popoloj,
do por la paco. Mi sincere gratulas vin kaj petas vin transdoni
miajn dankojn al tiuj responsuloj kaj jhurnalistoj kiuj tiel
bone komprenas la humanisman rolon de Esperanto por krei pli
ghustan ordon en la mondo kie homoj estos lingve egalaj en
internaciaj rilatoj, dum ili konservos kaj pli bone konigos
sian propran lingvon kaj kulturon.
Sub
tiaj auspicioj mi do povas fide deziri al nia 89-a Kongreso
en Pekino plej grandan sukceson kaj plej grandan ehhon ne
nur en la china gazetaro sed ankau en la tutmondaj komunikrimedoj.
Mi jam alighis al via kongreso kaj esperas ke mia sanstato
ebligos al mi realigi mian nunan revon, esti sufiche sana
por efektivigi mian sesan viziton al via kara lando por revidi
karajn geamikojn kaj certe denove miri pri novaj progresoj.
Chiam kun penso pri mia forpasinta amiko Ivan Ko, kiun ankau
vi certe ne forgesas.
Plej
amike kaj danke via,
Maurice
Sujet (Francio)
Ni
tre ghojas audi, ke s-ro Wu Bangguo, prezidanto de la Konstanta
Komitato de la Tutlanda Popola Kongreso de Chinio farighis
alta protektanto de la 89-a Universala Kongreso.
Ni
kaj la Studocentro Kvinpetalo sendas al vi sincerajn gratulojn
kaj deziras al la 89-a UK enorman sukceson.
Kore
salutas
Johano
kaj Helga Rapley (Francio)
Mi
gratulas vin okaze de Alta protektanteco de UK
Shaig
Bahram oglu Mammadov,
Prezidanto de Azerbajghana Esperanto-Asocio
|