"Esperante,
ke la rezultoj de tiu kongreso estos fruktodonaj unue por
chiuj chinoj, due por la tuta mondo"
Multaj
legantoj atentas pri la sinteno de la china registaro al internaciaj
aferoj kaj volas scii, chu la kongreso diskutas problemojn
internaciajn. Ili esperas, ke Chinio ludos gravan rolon en
internaciaj aferoj.
LEOPOLD
PATEK (Austrio):
Mi
scias pri la Komunista Partio de Chinio kaj ghia tutlanda
kongreso pere de la China Radio Internacia k.a. En Austrio
la taggazetoj raportas pri la kongreso. Mi volas scii, chu
KPCh pritraktas ankau la problemon, kion faris la usonangla
lingvo al la partio? Niaj taggazetoj raportas, ke nun pli
da chinoj lernas la usonanglan lingvon kaj tio estas granda
danghero por KPCh.
NANBA SYOZI
(Japanio):
Mi
legas informojn pri la kongreso per chiuj tagjhurnaloj kaj
televidoj. La rolo de Chinio kiel shtato por haltigi novan
militon al Irako, kaj por sennukleigo de Azio, en urgha kazo,
de la korea duoninsulo, estas granda, kaj rolo kaj respondeco
de la reganta partio estas tre granda. En tiu senco, mi esperas
speciale scii pri ties politiko al tiuj demandoj.
NIKOLA
RASIC (Nederlando):
Mi
deziras, ke la kongreso faru bonegajn decidojn por la china
estonteco. Estus bone se ghi ankau decidus reeldoni EPCh en
papera formo kaj enkondukus Esperanton por internaciaj rilatoj.
Mi havis brilajn spertojn kun la esperantistoj, sed apenau
povis komprenighi per la angla. La angla simple ne funkcias,
Esperanto jes ja.
ROY MCCOY
(Usono):
Persone,
mi volas scii, kion la kongreso diros au faros pri la venonta
invado al Irako fare de Usono. Kiel esperantisto, mi interesighas
pri tio, kion ghi eventuale faros lingve, specife rilate al
internacia planlingvo.
CARLOS PEREIRA
(Brazilo):
Chinio
devus ekhavi pli sendependan politikon, char ghi estas tre
grava lando. Mi esperas, ke Chinio pli kaj pli progresos.
GIANFRANCO TOMBA
(Italio):
Mi
esperas, ke la rezultoj de tiu kongreso estos fruktodonaj
unue por chiuj chinoj, due por la tuta mondo, kaj tion mi
bondeziras al vi (al ni)!
RAYMOND WYLLEMAN
(Belgio):
Mi
deziras al ghiaj gvidantoj dauran agadon por realigi Chinan
Respublikon bonfartan en nia mondo tro direktita al mona povo
pro la kapitalismaj fortegoj.
DON HARLOW
(Usono):
Vespere
de la 8-a de novembro, rigardante la televidon, mi trovis
ian prezenteton pri ghi che iu kablo-kanalo (preskau nekonata).
Mi renkontas multajn chinojn en Usono, kiuj venis chi tien
por klerighi je la universitata nivelo, kaj poste decidis
resti en Usono kaj labori chi tie. Chu oni parolos pri metodoj
por instigi al tiaj homoj resti en Chinio, tial ke la lando
ne perdu iliajn kapablojn? Mi ankau havas intereson pri la
kosmoesplora programo, kaj volas scii, chu oni parolos pri
ghia pluiro. Precipe, chu oni decidos, ke baldau flugos iu
"tajkonauto".
HENRI MASSON
(Francio):
Kion
ghi decidos pri la estonta enlanda kaj eksterlanda politiko?
Aparte interesas min la lingva politiko. Mi pensas, ke kushas
granda danghero en la fakto, ke la rigardo de multaj Chinoj
turnighas al okcidenta (au ech usona) vivmaniero kaj ke farighas
modo hhirurgie operaciigi sin por aspekti kiel okcidentanoj.
La kreskanta uzo de la angla lingvo kondukas al tia degenerigho
kaj devojigho unue mensa kaj poste politika. La politikaj
instancoj devas nepre funde esplori la demandon pri la internacia
lingva politiko ekster la kutimaj skemoj.
KENT JONES
(Usono):
Estas
mia espero, ke aviada sekureco per plibonigo de la normaj
aviadaj frazoj inter pilotoj kaj surteraj registoj estu temo
de via kongreso. Grava difekto en la nunaj frazoj estas la
uzado de la primitivaj usonaj mezurunuoj, anstatau la scienca
metra sistemo. Taugus protesti al la china instanco pri aviado.
RUBEN FELDMAN
GONZALEZ (Meksikio):
Kion
la kongreso rekomendas rilate al la subita kreskado de internacia
fashismo? Chu la ekonomia kreskado de Chinio povos dauri post
dek jaroj? Chu Esperanto, kiel dua lingvo por chiu homo de
la mondo lernebla en 50 horoj, estos pritraktata en chi tiu
kongreso?
KURUCZ GEZA
(Hungario):
Mi
legis pri via kongreso kaj en la centra jhurnalo de Hungario
kaj en la chefa kanalo de nia televido. Min kiel eksterlandanon
interesas precipe la decidoj, kiuj influas la tutmondan politikon.
Mi esperas, ke la vivo de china popolo farighos pli kaj pli
prospera kaj ke la Chinio restos solida bazo de tutmonda paco
kaj komprenemo kaj toleremo.
|