"Pro
via agado multaj gazetoj en la tuta mondo menciis, ke informoj
pri la kongreso estas haveblaj en Esperanto."
La
legantoj esprimas al ni dankon pro nia raporto pri la kongreso
kaj volon pli multe scii la kongreson pere de nia retejo.
MAURICE SUJET
(Francio):
Gratulojn
por viaj paghoj, kiujn mi regule vizitas, same kiel mi auskultas
Radio Pekinon en Esperanto. Tiel mi havas veran preskau chiutagan
kontakton kun Chinio, kies maljuna civilizacio kaj modernaj
rapidaj shanghoj daure interesas min, kiel ghi certe interesas
viajn legantojn al kiuj mi sendis vian retadreson.
RO. SARTOR
(Argentino):
En
jhurnaloj mi trovis informojn. Sed char mi interesighas pri
Chinio, mi legos plu en la reto. Mi ne chiam havas tempon
por legi chion en la reto. Sed estas granda shanco por ni
havi EPCh kaj China Radio.
JAMES REZENDE
PITON (Brazilo):
Mi
tre ghojas, ke Chinio provizis la informojn ankau en Esperanto.
Tion mi alte taksis, des pli char mia lingvo (la portugala)
ne estis inter tiuj informlingvoj. Chi tiun fakton mi skribis
en mia reago al la brita jhurnalo Financial Times, kiu estis
unu el la internaciaj gazetoj, kiuj atentigis al la fakto,
ke Esperanto estis ofertata kiel informa lingvo de KPCh, kvazau
tio estus neeblajho.
HENRI MASSON
(Francio):
Aparte
gratulindaj estas la realigantoj de la ttt-ejo de la 16-a
Tutlanda Kongreso de la KPCh pro la uzo de Esperanto inter
aliaj disvastigitaj lingvoj. Kelkaj gazetoj atentis pri tio
en diversaj landoj.
MARITZA GUTIERREZ
(Kubo):
Nome
de la redakcio de Radio Havano Kubo en Esperanto mi tre ege
dankas viajn informojn pri la okazigo de la kongreso de la
KPCh, kio konsistigas bonan manieron informighi pri la nuntempo
kaj evoluo de via interesega lando. Mi shatus de tempo al
tempo ricevi iun interesan materialon pri la ekonomiaj evoluoj
de via lando por utiligi ghin en niaj elsendoj, kaj iom pri
movado esperantista china. Anticipan dankon.
E. JAMES LIEBERMAN
(Usono):
Mi
salutas vin kore malgrau la fakto, ke ne disponas al mi nun
la tempo, tralegi viajn (sendubajn) interesajn raportojn.
Mi ghuis la E-Kongreson en Pekino, 1986.
WALLY DU TEMPLE
(Kanado):
Mi
multe legis kaj eksciis pri la Kongreso de la Komunista Partio
de Chinio. Pro tio mi multe dankas.
ULRICH MATTHIAS
(Germanio):
Kiel
esperantisto mi volas danki al vi, ke pro via agado multaj
gazetoj en la tuta mondo menciis, ke informoj pri la kongreso
estas haveblaj en Esperanto, tiel ke la legantoj rimarkas,
ke Esperanto estas vivanta lingvo. Kelkaj naciaj gazetoj rimarkis,
ke la retejo de la kongreso aperigas informon en Esperanto:
La gazeto "The Straits Times" afable klarigas al
siaj legantoj, ke Esperanto estas "la apenau uzata lingvo
elpensita kiel tutmonda komuna lingvo."; La granda germana
jhurnalo "Freie Presse" ech menciis la ekziston
de esperantlingva retejo kiel chefan novajhon pri la kongreso.
|