MAGDALENA FEIFICOVA (Slovakio):

     Kion pli oni povu atendi de viaj ege richaj retpaghoj pri la 89-a UK? Mi kun ghuo iom vagis tra ili kaj elshutis kelkajn interesajhojn por mi. Hejme mi pli profunde legos ilin. Vershajne mi ankorau revenos al la paghoj por eltiri ion pri Pekino, char malgrau ke mi ne venos al la UK, tamen jes ja (espereble, se mi estos sana kaj havos sufiche da mono) al la posta fervojista kongreso, kiu okazos en la jaro 2006. Mi jam antaughojas pri via lando, pri via vivo kaj pri viaj samideanoj!

VAJSIDIN KHOLOV (Taghikio):

     Ni tre ghojas, ke vi malfermis novan pagharon. Ni volas partopreni en la kongreso venontjare.

BAIQUAN FAN (Finnlando):

     Mi tre ghojas legi vian mesaghon pri via plano surretigi la du temojn "Gvidlibro pri Pekino" kaj "Antikvaj Vidindajhoj de Pekino".

     La prezidanto de Esperantoklubo de Helsinki petis min fari prezentadon pri Chinio al finnaj esperantistoj je la 11-a de novembro 2003 en la oficejo de EAF. Ili esperas, ke mi organizos finnajn esperantistojn viziti la 89-an UK en Chinio. Mi pensas, ke tio estas mia devo. Mi ghojas, ke mi povos legi viajn retpaghojn pri Pekino. Sed mi ankau deziras legi retpaghojn pri aliaj vidindaj lokoj en Chinio, char la cheestontoj de la 89-a UK vizitos ankau aliajn lokojn de Chinio antau kaj/au post la kongreso, pri kio oni jam esprimis al mi. Ili restos en Chinio ghenerale por duona monato.

     Mi pensas, ke vi povus peti la lokajn asociojn de urboj kaj provincoj en Chinio prezenti iliajn lokajn vidindajhojn che iu retejo au iu forumo.

DINKO MATKOVIC (Kroatio):

     Mi atendas viajn informojn pri la kongreso kaj Chinio. Mi kredas, ke por chiu esperantisto, kiu deziras partopreni la kongreson, estos interesa via informo pri prezoj (en euroj au usonaj dolaroj) en hoteloj kaj en studentaj domoj.

MARKO NAOKI LINS (Belgio):

     Mi shatus fari etan intervjuon kun respondeculo de la UK 2004. Kiun mi kontaktu?

ROLAND THIBAULT

     Mi esperas, ke dum la nacia vespero vi ne tradukos chinajn kantojn. Multaj el ni cheestas UK ne nur por esperantumi sed ankau por ghui la nacian etoson.