RADOJICA PETROVIC (Jugoslavio):

    Mi ghojas kun vi, karaj geamikoj. Aparte ni konstatu, ke la informo nun definitive forigas la dilemojn, chu la UK 2004 okazu en Pekino. Ghi do restas tie. Tio ankau pliigas la shancon, ke ILEI-konferenco 2004 okazu en Chinio.

    Dankon pro via regula informado pri evoluo de la epidemio kaj batalo kontrau ghi. Nun mi shatus legi, kiel la epidemio estis venkita, kian solvon la medicinistoj trovis por ghi.

RENATO CORSETTI (Italio):

    Kun la sama ghojo de niaj chinaj kolegoj kaj de Radojica ankau mi auskultis la novajhon de la itala televido.

OTTO HASZPRA (Hungario):

    Ghoje mi informighis el via mesagho kaj el la hungaraj televido kaj gazetaro pri la venko super SARS en Pekino. Mi deziras similajn sukcesojn kontrau SARS en la aliaj epidemiaj regionoj kaj en via lando kaj alilande.