Almozulo kaj avarulo

Almozulo almozpetas antau la pordo de avarulo.
Almozulo: "Mi petas iom da viando, fromagho au butero."
Avarulo: "Tion mi ne havas."
Almozulo: "Iomete da pano."
Avarulo: "Ankau tion mi ne havas."
Almozulo: "Taso da akvo sufichas al mi."
Avarulo: "Ech akvon mi ne havas."
Almozulo kolerighis: "Kial vi ankorau restas hejme? Tuj almozpetu kune kun mi!"

Stranga malsano

Viro venis konsulti kuraciston en kuracejo.
Kuracisto: "Kion vi suferas?"
Viro (tushante per la montra fingro jen la kapon, jen la bruston, jen la ventron): "Chio, kion mi tushas, doloras min. Kia stranga malsano min trafis, doktoro?"
Kuracisto: "Mi pensas, ke vi suferas frakturon de la montra fingro..."

Samagha en la venonta jaro

Butikisto de chiutagaj necesajhoj jhus festis unu-jarighon de sia filino. Tiutage lia amiko venis svati al shi bebon je unu jaro pli aghan ol shi. La butikisto diris al sia edzino:
"Nia filino havas nur unu jaron kaj la knabo - jam du, li duoble pli aghas ol shi. Kiam nia filino edzinighos al li en la agho de 20 jaroj, li estos 40-jara. Kiel ni povos edzinigi nian filinon al tiom olda viro?"
Lia edzino ride mokis lin: "Kiel stulta vi estas! Nun nia filino havas unu jaron kaj en la venonta jaro shi estos tiom agha kiom li."

Dento

La patro kondukis sian filinon al dentisto por forigi shian malsanan denton... Survoje al la hejmo li demandis shin, chu shia dento ankorau doloras shin.
La filino respondis: "Mi ne scias, char la dento estis lasita che la dentisto."

Preparado

La filo malsanighis. Lia patro haste telefonis al kuracisto: "Doktoro, kion mi devas prepari, antau ol vi atingos mian hejmon?"
"Monon," kategorie respondis la kuracisto.

Acheti eniran bileton por filmo

Iu achetis eniran bileton por filmo kaj eniris en la kinejon, sed momenton poste li revenis al la gicheto por acheti la duan bileton. La vendistino surprizighis, ke minuton poste li la trian fojon venis acheti bileton. La vendistino demandis lin: "Vi jam achetis bileton. Kial acheti foje kaj refoje?"
Li respondis kun kolero: "Char chiufoje, kiam mi eniris en la kinejon, persono che la pordo shiris ghin."

Absurde

Iu audis la vorton "absurdo", kiu plachis al li, kaj li foje refoje ghin murmuris. Foje pro hasta shipveturo li forgesis la vorton kaj serchis ghin surboate tie kaj chi tie.

La boatisto diris kun miro: "Absurde! Chu ankau vorto povas perdighi?"

Tion audinte, la homo ekghojis: "Ha, vi trovis, kial vi ne diris tion al mi pli frue! Vidu, kiom maltrankvila mi estas!"

Naskightago

Nepo demandis sian avon: "Aveto, kial hodiau ni manghas torton?"
"Hodiau estas mia naskightago," respondis la avo.
"Kio estas naskightago?"
"Ghi estas tago, en kiu mi naskighis."
Tion audinte, la nepo larghe malfermis siajn okulojn kaj demandis: "Ho, kiel vi farighis tiel maljuna, se vi naskighis hodiau?!"

Bonshancon al leterportisto

Du malnovaj amikoj renkontighis post du jaroj.
A demandis B: "Chu vi edzighis al la knabino?"
B respondis: "Ne diru tion."
A miris: "Kial?"
B respondis: "Mi oficvojaghis aliloken kaj skribis al shi chiusemajne. Reveninte, mi rimarkis, ke shi jam edzinighis al la leterportisto."

Felicho en malfelicho

Kiam la edzino revenis hejmen, la edzo tuj diris al shi: "Hodiau, mi havas felichon en malfelicho."
La edzino tuj demandis: "Kio okazis?"
La edzo respondis: "Nia azeno perdighis."
La edzino demandis: "Kial felicho?"
La edzo respondis: "Feliche mi ne rajdis sur ghi, alie ankau mi perdighus."

Konversacio en songho

"Kara mia!" murmuris la edzo en songho. "Estingu la televidilon, pretigu litajhon kaj donu al mi tason da teo."
"Mi ne povas, dikulo mia!" respondis la edzino kushante apud li, "Ni estas en kinejo."