La
27-an de januaro 2004 ekfunkciis nova servo de la Esperanta Civito.
Temas pri la diskutlisto de Instituto Dietterle.
Tiu
chi diskutlisto celas rilatigi chiujn (civitanojn kaj ne) interesatajn
pri historiografiaj, demoskopiaj kaj statistikaj esploroj pri
la Esperanto-popolo. Ghi ne estas babilejo, sed virtuala laborejo,
kiu klopodas helpi al konkretaj projektoj, ekzemple la historia
atlaso de Esperanto, redaktata en la Torina Universitato.
Apoge al la laboro de s-ano Boré (bedaurinde ne rete
kuplita), chi tiu diskutlisto volonte akceptas informojn pri chiu
nova ZEO.
Alia
konkreta celo estas helpi al studentoj, kiuj verkas disertaciojn
pri la historio de Esperanto, kaj rilatigi la koncernajn esploristojn
inter si.
Interesitoj
povas skribi al la sekretario de la instituto: sen. Bertil Nilsson
che <pakto@freesurf.ch>.
