En
la n-ro 46 de "Esperanto en Azio", bulteno de la Komisiono
pri Azia Esperanto-Movado de UEA, s-ino Michela Lipari, estrarano
de UEA respondecanta pri landa agado, skribis artikolon titolitan
"Azianigu la kongreson", en kiu shi diris: "Ni
estas che la komenco de grava jaro por KAEM kaj por la tuta azia
movado. Pluraj kunvenoj, renkontighoj kaj kongresoj kulminos en
la Universala Kongreso en Pekino! Granda defio estos 'azianigi'
la kongreson, tio estas partoprenigi kiel eble plej multe da reprezentantoj
de la pluraj aziaj movadoj, por ke ili spertu internacian kongreson,
konatighu kun la movado, kaj kun ghiaj aktivuloj, poluru sian
lingvon vizitante la dumkongresajn kursojn, klerighu partoprenante
prelegojn kaj seminariojn, amuzighu dum la vesperoj, ghuu entute
la unikan esperantujan etoson, kio estos por ili esenca firmigo
en sia esperantisteco kaj certe kuraghigo al nova kaj intensa
agado enlanda."
(Chen
Ji)
