En
la 12-a de januaro LKK de la 89-a UK okazigis unuan gazetaran
konferencon en la Informa Oficejo de la Shtata Konsilantaro de
Chinio.
La
konferencon cheestis raportistoj de 46 vehikloj, inter kiuj trovighis
la Xinhua-a Novajh-agentejo, la Popola Tagjhurnalo, la Centra
Televizio de Chinio, la Centra Popola Radio, Guangming-tagjhurnalo,
la Ekonomia Tagjhurnalo, la China Tagjhurnalo, la China Radio
Internacia, Fenikso-televizio kaj Ta-Kung-Pao-jhurnalo de Hongkong,
la Pekina Revuo, la gazetoj "Chinio Hodiau", "Popola
Chinio" kaj "Chinio", la Pekina Junula Tagjhurnalo,
la Matenaj Novajhoj de Suda Chinio kaj NHK-televizio de Japanio.
La
prezidanto de la koferenco respondis la demandojn de la raportistoj
pri la preparado de la 89-a UK kaj pri la progreso kaj perspektivo
de Esperanto.
Unu
horon post la konferenco la internacia kanalo de la Centra Televizio
de Chinio publikigis la informon pri la 89-a UK en Pekino. Kaj
tiuvespere la novajha kanalo de la Centra Televizio, Fenikso-televizio
de Hongkong kaj la Pekina Televizio informis pri la kongreso.
En tiu tago la China Radio Internacia diskonigis en 43 lingvoj
la 89-an UK.
En
la sama au sekvanta tago pri la gazetara konferenco kaj pri Esperanto
raportis ankau la Popola Tagjhurnalo, Guangming-tagjhurnalo, la
Pekina Tagjhurnalo, la China Tagjhurnalo, Wen-Wei-Pao-jhurnalo
de Hongkong, la Ekonomia Tagjhurnalo, la China Junula Tagjhurnalo,
la Scienca-Teknologia Tagjhurnalo, la Laborista Tagjhurnalo, la
China Virina Jhurnalo, la Legha Jhurnalo, la China Loghantara
Jhurnalo, la Informa Tagjhurnalo, la China Tempo, la Kamparana
Tagjhurnalo, la Pekina Junulara Tagjhurnalo, la Pekina Vespera
Jhurnalo, la Pekinaj Matenaj Novajhoj, la Pekina Amuza Bulteno,
Unuigho-jhurnalo kaj Qilu-a Vespera Jhurnalo.
Samtempe
kun tio ankau retoj rapotis pri la konferenco. La China Interreta
Informa Centro raportis en sia fronta pagho pri okazigho de la
universala kongreso de Esperanto en Pekino sub la titolo "Kolektigho
de Esperantistoj en Pekino en Julio". La reto de la Xinhua-a
Novajh-agentejo instalis specialan rubrikon por diskonigi UK,
UEA, Esperanton kaj E-organizojn. Krome ghi kunigis la koferencon
kun la temoj de Esperanto, raportante pri Esperanto, disvolvigho
de Esperanto en Chinio kaj la rolo de Esperanto en kultura diskonigado,
sub la titoloj " 'Rughdoma Songho' kaj 'Mirrakontoj de Liaozhai'
diskonigas la chinan kulturon", "Mao Zedong kaj Chen
Yi energie subtenis E-movadon", "Lingva Egaleco - Temo
de la 89-a Universala Kongreso de Esperanto" kaj "Lingvo
el 28 Literoj, Simpla, Logika kaj Facile Lernebla".
Per
chena sendo de fotoj kaj artikoloj la Centra Televizio de Chinio
raportis la konferencon sub la titolo "Gazetara Konferenco
de LKK pri UK". La China Radio Internacia sisteme konigis
la naskighon kaj evoluon de Esperanto kaj ghian rolon en internacia
komunikado sub la titolo "Chinio Penos Plene Sukcesigi la
89-an Universalan Kongreson de Esperanto". Kaj retoj de multaj
jhurnaloj de diversaj lokoj de Chinio raportis pri la evento.
