Mi ege ghojas cheesti la solenan inauguron de la 88-a UK en la
charma havenurbo Gotenburgo. Mi varme salutas kaj gratulas vin.
Lingvo estas komunikilo de la homaro. Ni rimarkis, ke Esperanto
helpas al la popoloj el diversaj landoj facile interkomunikighi,
bone interkompreni kaj pace kunesti. La temo de chi tiu kongreso
estas "Lingvaj rajtoj kaj respondecoj", tio montras,
ke la E-movado aktive partoprenas kaj antauenpushas la socian
evoluon de la homaro.
Post kiam d-ro Zamenhof kreis la lingvon Esperanto en 1887, pli
kaj pli multaj homoj en la mondo lernis ghin. Nur en Chinio ghiaj
lernantoj iam nombris kelkcent milojn. De la jaro 1905, UK, kiu
okazas preskau chiun jaron, ludas gravan rolon por disvastigi
Esperanton kaj disvolvi E-movadon en la mondo. La China E-Ligo
aktive partoprenas en agadoj de UEA. En 1986 UEA sukcese okazigis
sian 71-an UK en Pekino. En 2004, Pekino gastigos la 89-an UK.
Por tio la China E-Ligo aktive kunlaboras kun UEA. Ni varme bonvenigas
chiujn esperantistojn el diversaj landoj al la pekina kongreso
en 2004 kun espero, ke ili ne nur ghuos la kongreson, sed ankau
persone spertos la progreson en politiko, ekonomio, kulturo kaj
socia vivo de la lando, kie vivas 22% da loghantoj de la mondo,
dum la pasintaj pli ol 20 jaroj.
Fine, mi deziras al la kongreso plenan sukceson. Koran dankon!
(Zou
Mingrong)
