Dum la 2-29-a de oktobro
2003 okazos la 19-a Internacia Simpozio pri Esperanto-turismo
en Chinio, kiun aranghas la Internacia kaj China Kluboj de "Esperantotur".
Celo de la simpozio estas antauenigi Esperanto-turismon en Chinio.
La
simpozio komencighos en Pekino kun vizitado kaj ekskurso al la
Granda Muro. Poste oni daurigos la vojaghon al la historia urbo
Xi'an por vidi Terakotan Armeon kaj dum semajno busekskursi al
Tibeto -- al Lhasa kaj Xigaze. Reveninte oni daurigos la vojaghon
al Chengdu por viziti Pandan Instituton kaj ghui Sichuan-an kuirarton,
de tie al Chongqing kaj poste shipe lau la Yangzi-rivero por spekti
Tri Grandajn kaj Tri Malgrandajn Gorghojn kaj Sanxian-barajhon,
la plej grandan en la mondo. De tie al Wuhan, Hefei, Suzhou, urbo
de silko kaj "Venecio de la Oriento", kaj al Shanhajo.
De Shanhajo la 24-an de oktobro oni povas reveni hejmen au ankorau
pluvojaghi al Hangzhou, la "Ghardenurbo", al Kantono
kaj al Makao kaj Hongkong. Post vizitado la 29-an de oktobro oni
flugos hejmen el Hongkong.
Dum
la simpozio okazos pluraj renkontighoj kun chinaj esperantistoj
kaj prelegoj pri Esperanto-turismo en chinaj altlernejoj .
Eblas
alighi ghis la fino de augusto. La internacian karavanon el Varsovio
aranghas la Internacia Klubo "Esperantotur", str. M.
Sklodowskiej-Curie 10, PL-85-094 Bydgoszcz, Pollando. Eblas ankau
mem rekte flugi al Chinio, alighante che: S-ro Liu Jianguo, Dongsi
Qu, Dongyuan Xincun, 434 Hao Xinxiang, CN 230011 Hefei, Chinio;
tel.: +86 551 484370; retposhto: <yjs00815@mail.hf.ah.cn>.
(Internacia
Klubo "Esperantotur")