Inter
la 7-a kaj la 25-a de julio 2003 okazis la 34-a Nord-Amerika Somera
Kursaro (NASK) en Lernejo por Internacia Trejnado (SIT) en Brattleboro.
Venis al la kursaro 27 esperantistoj el Usono, Kanado, Dominiko,
Chinio, Danio, Britio, Koreio kaj Japanio. Radio Pekino telefone
intervjuis la kursaron.
Lernejo
SIT
Brattleboro
estas malgranda urbeto au vilagho en verdaj, kvietaj montoj. La
malgranda loko tamen estas fama pro la unika lernejo -- Lernejo
por Internacia Trejnado (SIT). Ghi estas unika pro du aferoj:
unue, ghi estas malgranda kaj en ghi funkcias chefe kursoj pri
artoj; due, ghia edukado celas akceli interpopolan kaj interreligian
komprenon kaj toleremon.
Paralele
al NASK okazis tie alia seminario nomata "Salaam/Shalom/Peace"
(la vorto "Paco" en hebrea, araba kaj angla). En la
seminario judaistoj kaj muzulmanoj intershanghis opiniojn kaj
viv-spertojn. Evidente, la celo de Esperanto-movado koincidas
kun tiu de la lernejo. Do la lernejo energie subtenas Esperanton.
Dum la akcepto, Beatriz C. Fantini, la estrino de la Lingva kaj
Kultura Centro, salutis NASK-anojn en flua Esperanto. Kiam mi
vizitis shin en shia oficejo, mi vidis, ke sur shia librobretaro
estas dosiero markita per "Esperanto" apud la dosieroj
pri portugala, hispana, rusa, pola, china, japana ktp.
Chiufoja
vizitanto restas tia
Antau
du jaroj mi skribis pri Dori-Vallon Wheeler nomante shin "chiufoja
vizitanto" pro tio, ke shi cheestis chiun NASK-on ekde ghia
komenco ghis tiam. Last-jare kaj chi-jare shi revenis. Do shi
restas la "chiufoja vizitanto"! Kial shi ree kaj ree
venis al NASK? Shi diris: "Kvankam mi partoprenis chiujn
NASK-ajn kursarojn, mi miras kiel malsame bonaj ili chiam estis.
NASK 2003 estas unu el la plej elstaraj el la aro pro la amikeco,
kiu trovighas inter la homoj de tiom diversaj kulturoj."
Instruistoj
La
instruistoj de chi-jara NASK estas Spomenka Stimec el Kroatio,
Paul Gubbins el Britio kaj Lee Miller el Usono. Speciale menciinde,
ili preparis sian lecionon dum kelkaj tagoj antau la komenco de
la kursaro.
Spomenka
Por
chinaj esperantistoj Spomenka estas konata nomo. En 1986, dum
mia parolo pri literaturo kun Reto Rossetti en la 71-a UK en Pekino,
mi demandis Rossetti, chu li trovis junajn geniojn. Lia respondo
estis: Maria Quesada el Hispanio kaj Spomenka Stimec el Jugoslavio.
Spomenka instruis NASK-on en San-Francisko antau tri jaroj. Chi-jare
shi revenis. Dank' al shia sperto en verkado kaj vastega scio
pri historio de Esperanto-movado kaj pri Esperanta literaturo,
shiaj lecionoj estis interesaj kaj enhavorichaj. Al tiu majstra
instruanto aldonis flugilojn la libro Vojagho en Esperanto-Lando
verkita de Boris Kolker (UEA, 2002)! Per la libro kaj fotokopiitaj
paghoj disdonitaj de Spomenka oni multe lernis pri Esperantaj
poemoj (kia Vintra Fabelo) kaj poetoj (kia Nikolaj Hohlov),
verkistoj (kia Eroshenko), vojaghoj, eventoj (kia Rezolucio de
UNESKO favore al Esperanto en 1987), eminentaj figuroj (kiaj Kabe,
Ivo Lapenna, Tibor Sekelj, Ernesto Drezen) kaj mutaj aliaj aferoj.
Kiel
aktiva movadisto, Spomenka klopodas akceli popolan kulturan intershanghon.
Dum NASK shi okazigis la Internacian Poezian Vesperon. Dum la
vespero studentoj deklamis kroatajn poemojn tradukitajn en la
lingvojn Esperantan, chinan, danan, japanan, hispanan kaj anglan.
(Mi legis la chinan tradukon fare de Laulum.) Per tio Spomenka
volas rimarkigi al la mondo, ke Esperanto povas servi kiel ponto
inter diversaj lingvoj kaj kulturoj, precipe por lingvoj, kia
kroata, kiun oni malmulte studas ekster ghia propra lando.
Paul
Gubbins
Paul
Gubbins estas mia malnova amiko. Dum la brita esperantista kunigho
en Barlaston januare de 2000 mi vidis lin. Mi sciis, ke li flue
parolas Esperanton, sed tiam mi ne sciis, ke li estas ankau bona
instruanto. Dum chi tiu NASK mi trovis, ke li ja estas bona instruanto.
Li scias ne nur kiel instrui, sed ankau per kio instrui. Li mem
kompilis lernolibon. Krome, li verkis por progresantoj interesan
komputilan ekzercaron. Dum NASK li montris sian komputilan ekzercaron.
En ghi oni vidas aud-vidan rekordon de parolado de rusa esperantisto
sekvitan de mult-elekta ekzerco. Dum NASK li ne nur uzis la ekzercaron,
sed ankau pligrandigis kaj plibonigis ghin. Antau mia prelego
pri china arto li aldonis aud-vidan rekordon pri mia parolado
al ghi.
Junuloj
Junaj
NASK-anoj estas la plej vigla parto de la somera evento. Rafael
Despradel el Dominiko estas talenta lingva instruisto. Li interesighis
pri la china lingvo. Mi portis al li chinan eldonon de Harry
Porter, shatatan de infanoj tra la mondo. Tim Westover, juna
studento pri literaturo, estas bona komputila programisto. Chi-jare
li prenis sur sin la taskon eldoni la tagjhurnalon NASK-a Fasko,
kiun redaktis Lee Miller en antauaj jaroj. Elisabeth Agnete Johansen
venis el Danio, patrolando de Hans Christian Andersen. Cassei
Sandorsen, Brian Grabski el Usono, Walter K. Lew el Koreio, kaj
TAKANO Kazumi el Japanio estas la brila parto de chiuj aktivoj.
Ili estas ne nur lernemaj, sed ankau rapid-lernantaj. Spomenka
diris, ke la junuloj estas estonteco de nia lingvo.
Prelegoj
Kiel
okazo pri kultura intershangho, eksterklasaj prelegoj ludas gravan
rolon. En vesperoj NASK-anoj prelegis pri diversaj kulturaj temoj.
Francisko instruis la vejchion (goo-ludon). Estis prelegoj pri
usona, kanada, dominika kulturoj. Mi prelegis pri china pentrajho.
Mia titolo estis: Linio en china arto. Krome, mi ankau gvidis
laushtupan lecionon pri pentrado. Kio ghojigas min estas, ke la
lernantoj estas tiel talentaj, ke ili sukcesis en la unua-foja
provo!
La
NASK-ano Francisko Lorrain diris: "La 'ateliero' de china
pentrado estis bona sperto. Dank' al s-ro Wen, dum kelkaj horoj,
ighis permesite al ni eniri chinan manan, okulan kaj spiritan
tradicion jarmilan."