La
30-a de augusto estis la tago de malfermo de la Unua Nordchinia
Kongreso de Esperanto. Kiam mi atingis la kongresejon -- la Pekinan
Lingvan Universitaton, jam estis la naua matene. Mi konfuzighis
pro tiom da klaschambroj ne sciante, en kiu chambro la kongreso
okazas, ghuste tiam eksonis nia bone konata himno -- La Espero.
Lau la himno mi venis al la chambro, kiu kun pli ol 100 sidlokoj
jam estis plena de e-istoj ne nur el norda Chinio, sed ankau el
aliaj lokoj de la lando: Shanxi, Interna Mongolio, Hebei, Shaanxi,
Shandong, Liaoning, Jiangsu kaj Fujian, kaj ankau du e-istoj el
Australio kaj Nigherio.
En
la malferma ceremonio la prezidanto de la gastiganta loka asocio
-- Pekina Esperanto-Asocio, donis salutvortojn. Li diris, ke de
kelkaj jaroj, en Pekino, en diversaj aliaj lokoj de la lando,
fidelaj e-istoj cerbumadas kiel antauenpushi la chinan movadon
en la nuna tempo kaj faradas konsciencajn klopodojn kun tiu celo.
Li bonvenigis chiujn partoprenantojn de tiu renkontigho.
La
temo de la kongreso estas "Aktivu kaj preparighu por la 5-a
China Kongreso de Esperanto kaj la 89-a UK en Pekino." Zou
Guoxiang, vicprezidanto de la China Esperanto-Ligo (ChEL), prezentis
la preparadon de la 5-a China Kongreso de Esperanto okazonta inter
la 2-a kaj 5-a de oktobro en Yanji de Jilin, nordorienta Chinio.
Li prezentis la LKK-anojn kaj esperis, ke la e-istoj altigos sian
lingvan nivelon por la tutlanda kongreso kaj preparos sin por
la venonta UK en Pekino. Fine li invitis chiujn kongresanojn partopreni
la 5-an Chinan Kongreson en Yianji en oktobro. Wang Hanping, asista
ghenerala sekretario de ChEL, faris parolon en la nomo de ChEL.
Li resumis la laboron de la china delegacio partoprenanta la 88-an
UK en Svedio kaj detale prezentis la preparadon de ChEL por la
89-a UK en Pekino. Li esperis, ke la kongresanoj disvastigos la
lingvon kaj sin dedichos al la laboro por la venonta UK en Pekino.
La
kongreso enhavas ankau prelegojn de profesoro Laulum, iama vicchefredaktoro
de EPCh, Zhou Liuxi, profesoro de la Pekina Normala Universitato,
kaj Li Weilun, vicprofesoro de la Pekina Lingva Universitato.
Ili donis opiniojn pri aplikado kaj instruado de nia lingvo. Krome
viglis ankau diversaj aliaj programeroj. La kongreso fermighis
en la 31-a de augusto.
(Chen
Ji)