Chu
vi ankorau ne scias kion fari chi-somere? Do, kial ne iom esperantumi
en Bretonio? Post la diversaj someraj skandinavaj E-renkontighoj
(UK, IJK, KEF), okazos eksterordinare 3 aliaj E-aranghoj sinsekve
en la sama franca regiono, t.e. Bretonio.
Unue,
en la famaj 7-aj Internaciaj Renkontighoj de Pluezek (norde de
Bretonio), kiu okazos de la 16-a ghis la 23-a de augusto 2003,
vi povos unuflanke plibonigi chiumatene vian Esperanto-nivelon
per chia-nivelaj kursoj far altkvalitaj geinstruistoj, kaj estos
ech kurso por formi novajn instruistojn. Aliflanke, vi tie ghuos
chiam buntan programon kun diversaj atelieroj (teatro, hhorkanto,
jogo, komputiko), ekskursoj en tiu belega regiono kaj kompreneble
tre simpatiaj vesperoj (bretonaj dancoj, maristaj kantoj, spektakloj
ktp.). Tiu Esperanto-stagho kunigas chirkau 150 homojn chiujare.
Tuj
poste, okazos FESTO de la 23-a ghis la 30-a de augusto 2003 en
urbeto Pluezek, apud Paimpol. FESTO estas renkontigho organizata
de la franca junulara E-asocio JEFO. Ghi chiujare okazas aliloke
en Francio, kaj post la Greziljona kastelo pasintjare, chi-somere
ghi decidis lokighi Bretonie inter 2 aliaj E-eventoj. La chi-jara
temo de FESTO estos kelta kulturo, ghuste pro la kelteco de la
regiono Bretonio, kaj vi povos tie malkovri ankau la keltajn etoson
kaj gastronomion.
Kaj
fine, nur 2 tagoj post FESTO, komencighos la Bretona Bubado de
la 1-a ghis la 7-a de septembro 2003 en suda Bretonio, ch. 150
km for de Pluezek. Tiu nova Esperanto-arangho estas organizata
de la kreintoj de la Skota Semajno, kunlabore kun JEFO kaj JEB
(junulara E-asocio de Britio). Senstrecha programo che natura
pejzagho kun subtenda au liberaera dormado...
Do,
pro chiuj tiuj avantaghoj kaj ghuindajhoj, tial nepre partoprenu
almenau 1 au 2, eble ech 3 Esperanto-renkontighojn sinsekve en
Bretonio chi-somere. Vi povos trovi chiujn detalajn informojn
kun adresoj de la hejmpaghoj de chiu renkontigho che la jena adreso:
http://esperanto.bretonio.free.fr/aktuale-eo.html.
(Henrri
De Sabates)
