Chiu-jare
en la lastaj 10 jaroj oni okazigis en Irano gazetar-festivalon
kaj tiun partoprenis preskau plejmulto de la jam aperintaj gazetoj
kaj jhurnaloj tra la lando.
La
revuo "Sbazandishan" (Verdpensuloj), ununura Esperanto-Persa
revuo en Irano, unuafoje partoprenis en la festivalo, kiu okazis
de la 3-a ghis la 11-a de majo 2003. La budon de "Verdpensuloj"
vizitis la plej altrangaj shtatuloj, ministroj, politikistoj,
famaj artistoj, jhurnalistoj ktp.
Pli
ol 16 mil informiloj pri E-o estis disdonitaj al la vizitantoj
de la budo. La revuo okazigis 5 prelegojn rilate al E-o dum la
festivalo kaj multaj jhurnalistoj kaj interesitoj jam enskribighis
en E-kursojn, kiuj baldau estos lanchitaj.
"Irana",
la dua plej multe eldonata irana tagjhurnalo, aperigis raporton
pri la prelego de Ahmad Reza Mamduhi pri E-o kaj foton de irana
prezidento apud E-flago che la budo de nia revuo. "Surush-e
Noghavan", la plej disvendata revuo por adoleskantoj faris
intervjuon kun Reza Torabi, la chefredaktoro de la revuo- pri
E-o, kaj ili interesighis kaj esprimis siajn emojn lanchi E-kurson
en la koncerna gazeto. (La jam aperinta intervjuo trovighas che:
http://www.sp-news.com/news-sepanta.htm)
Multaj
vizitantoj estis mirigitaj, char lau ili Esperanto estis jam forpelita
kaj forgestia. Tamen ili volonte foliumis la informilojn kaj la
revuon, multaj ech surloke abonis ghin.
Oni
povas vidi kelkajn fotojn pri la ekspozicio en jena adreso: http://photos.groups.yahoo.com/group/Irana-Esperanto-Centro/lst.
(Reza
Torabi <espiran@safineh.net>)
