Vi
certe scias, ke ILEI/UEA havas programon pri internaciaj ekzamenoj.
Se oni kunmetas tiujn ekzamenojn kun la naciaj, unuagradaj ekzamenoj,
oni havas kvar-shtupan sistemon:
1. nacilingva, enkonduka
2. internacilingva, elementa
3. internacilingva, meza
4. internacilingva, porinstruista.
(Por
simpleco ni preteratentu nun la fakton, ke en pluraj landoj kun
granda Esperanta tradicio, la nacia ekzamensistemo estas pli mapli
paralela al chi tiu.)
Kompreni
tion, la kvarnivelan sistemon, jam estas io. Kompreninte tion,
kelkaj aktivuloj de ILEI kaj UEA provis vidi, kio ekzistas en
la mondo kaj en la reto. Oni tuj vidis, ke en la reala mondo estas
multo, sum en la reto ne estas multo, krom pri la enkonduka, nacilingva
kurso, kiu povus porti al nacilingva ekzameno.
Pri
la aliaj niveloj ekzistas nur la priskriba broshuro de ILEI/UEA
(kiun vi trovas ankau en www.edukado.net), kaj kompreneble ekzistas
la Internacia Ekzamena Komisiono, kiu administras la internaciajn
ekzamenojn. La 4-a nivelo estas ankorau en sia komenca fazo. La
unua seminario okazas en junio en Chachak, Serbujo. Aliaj sekvos.
En chi tiu kampo agas, evidente, ankau la universitatoj, en kiuj
oni instruas interlingvistikon kaj esperantologion.
Sed,
finfine, se vi estas iranano, kiu volas lerni Esperanton bone
kaj eventuale volas havi la mezan internacian diplomon, vi ne
havas multon je via dispono (tio, kio ekzistas, estas montrata
en tiuj paghoj).
Pro
tio, kunlabore kun Enrike Ellemberg, estis faritaj kaj kunlabore
kun Jozefo Nemeth, la reaktoro de Internacia Pedagogia Revuo de
ILEI, enmetitaj en la pagharo de IPR chi tiuj paghoj: http://www.nl-papa.hu/ipr/esperanto_instruado.htm.
Mi
afable sed firme petas vin viziti tiujn paghojn, por vidi kiom
multe restas por fari, kaj por alvoki al kunlaboro. Se vi estas
instruisto, se vi shatas verki retajn kursojn, se vi kapablas
fari retajn paghojn, bonvolu kontakti min au la estraranon pri
edukado de UEA, Gbeglo Koffi, rete: esp.togo@cafe.tg, au la estraranojn
de ILEI.
(Renato
Corsetti)
