Lau iniciato de Gediminas Degesys, prezidanto de la Vilniusa filio de la Litova Esperanto-Asocio, Esperanto-fako estas fondita en ghenerala legejo de biblioteko de la Vilniusa Pedagogia Universitato. Librojn por tiu fako plejparte donacis la Litova Esperanto-Asocio, ankau kelkaj esperantistoj persone. Dume en la legejo estas dekoj da diversaj Esperanto-libroj (lernolibroj, vortaroj, sciencaj libroj, belarta literaturo k.s.). Esperanto-fako estas afishita en la legejo, kiu trovighas en chefa konstruajho de la universitato, str.Studentu 39, chambro 110. Kvanto de libroj en la legejo konstante kreskos.

(Povilas Jegorovas)