De
la 30-a de junio ghis la 21-a de julio 2003 en la publika biblioteko
de la distrikta urbo Trakai, proksime de Vilnius, funkcias ekspozicio
pri Esperanto. Estas eksponataj libroj, revuoj, faldajhoj, fotoj,
afishoj, plakatoj k.s. Ghin iniciatis juna esperantistino Olga
Baskir. La 9-an de julio okazis oficiala prezento de la ekspozicio,
kiun partoprenis kaj alparolis Povilas Jegorovas, prezidanto de
la Litova Esperanto-Asocio (LEA), Stasys Kruzinauskas, parlamentano
kaj esperantisto, Gediminas Degesys, prezidanto de la Vilniusa
filio de LEA, respondeca sekretariino de LEA, gvidantino de la
urba fako pri kulturo kaj edukado kaj gvidantino de la biblioteko.
La ekspozicio entenas preskau la samon, kio estis eksponita meze
de aprilo en Vilnius dum printempa librofoiro, tiam ekspozicio
estis nomita "Chio pri Esperanto". Autune oni planas
aranghi kurson de Esperanto en Trakai.
(Povilas
Jegorovas)