En
la 4-a de aprilo 2003 pekinaj esperantistoj ceremoniis por funebri
pri la veterana esperantisto Li Naixi, eksa asista ghenerala sekretario
de la China Esperanto-Ligo kaj supera redaktoro de El Popola Chinio.
La ceremonion cheestis laborantoj de la China Esperanto-Ligo,
El Popola Chinio, China Radio Internacia kaj membroj de la Pekina
Esperanto-Asocio, liaj familianoj kaj amikoj.
S-ro
Li Naixi forpasis en la 31-a de marto de 2003 pro pulma malsano,
en la agho de 96 jaroj. Li naskighis en la 19-a de februaro de
1908, en Meixian-gubernio, Guangdong-provinco. En 1928 li lernis
en la sesa stagho de la Huangpu-a Milita Lernejo, en kiu iam laboris
Zhou Enlai kaj Chiang Kaishek.
Li
konatighis kun Esperanto jam en 1925. Ekde 1958 li laboris profesie
por Esperanto, funkciis kiel asista ghenerala sekretario de la
China Esperanto-Ligo kaj gvidis la eldonadon de El Popola Chinio.
Laborante
en la redakcio de El Popola Chinio kaj en la China Esperanto-Ligo,
li multe klopodis kaj kontribuis por plibonigi la gazeton kaj
disvolvi la chinan E-movadon. Menciindas ankau lia sukcesa penado
rilate kulturon de novaj esperantistoj, eldonadon de internacia
revuo "Paco", Esperantan radiodisaudigon kaj fondon
de "La Mondo", la organo de la China Esperanto-Ligo.
S-ro
Li Naixi multe tradukis angle kaj Esperante. Li tradukis el la
angla en Esperanton "Historio de la Tria Imperio", tradukis
el Esperanto en la chinan "La Lanternisto kaj Aliaj Noveloj",
"Mashin-mondo", "Versajhoj en Prozo" de Turgenev,
"Dio Rekompencu Vin" (brazila dramo el tri aktoj) kaj
epopeon "Johano la Brava". Multaj el liaj verkoj estis
publikigitaj en gazetoj kaj jhurnaloj en plumnomoj.
Surprizite
ni informighis, ke nia estimata esperantisto Li Naixi forpasis.
Pro tio ni, esperantistoj de lia hejmloko Guangdong esprimas profundan
kondolencon al liaj familianoj kaj montras al li respekton kaj
sopiron.
Li
estas veterano en la china E-movado kaj klopodadis dum dekoj da
jaroj en organizado, eldonado, tradukado, edukado, kulturado de
E-profesiuloj ktp. kun fruktodonaj rezultoj. Li dedichis sian
tutan vivon al la E-afero en Chinio kaj pro tio la chinaj esperantistoj
esprimas dankemon al li. Post sia emeritigho, kun fervora koro
neniam reduktighanta, li daure prizorgis la laboron de Esperanto
en nia lando, kio multe impresis nin.
Li
longtempe prizorgis la movadon en Guangdong kaj longdaure subtenis
la laboron de E-eldonado en nia provinco. Samideanoj en Guangdong
havas apartan senton al li.
Lia
forpaso estas granda perdo por la china E-movado kaj samtempe
por la Guangdong-a E-movado.
Ni
pene laboru por trankviligi la forpasinton!