"Kurso de Esperanto" kun sono

    La senpaga "Kurso de Esperanto" kun sono gvidata de d-ro Casartelli en interreto enhavas taskojn, demandojn, respondojn kaj dialogojn kun vocho, de la unua ghis la oka leciono inkluzive. Por auskulti la prononcon, la lernanto devas kluki sur bildeto kun lautparolilo kaj povas ripeti la auskultadon plurajn fojojn. La retadreso estas: <http://www.institutoesperanto.com.ar>.

(Marcelo Casartelli)

Poluso pri Paco

    Okaze de la inauguro de neutrala "Poluso pri Paco" unuafoje en Argentino, en la banurbo Sankta Teresita okazis elstara ceremonio che la placo inter la stratoj 30 kaj 8 en la 22-a de novembro 2001.

    Pli ol 500 personoj cheestis por akompani tiun veran realon. La loko sur la placo estis ornamita per floroj kaj plantetoj en la koloroj, kiuj signifas la 5 kontinentojn: bluo: Oceanio; verdo: Afriko; blanko: Europo; flavo: Azio; rugho: Ameriko. Delegito vojaghis 200 kilometrojn por alporti la bezonatajn florojn! Cheestis chiuj gentaj kolektivoj kun siaj flagoj (grekoj, rusoj, japanoj ktp., chiuj loghantaj en la urbo mem kaj chirkauajhoj), ankau la lernejoj plenis de etoso de paco kaj harmonio, la radioj kaj televid-stacioj multe raportis pri tio.

    Kiam oni faris unuminutan silenton pro la viktimoj de la perforto, la cheestantoj emociighis ghis larmoj. La frazo "Ke la paco superregu sur la tero" estis dirita en 25 malsamaj lingvoj, inter kiuj estas Esperanto. Sur la placo estas obelisko, en kiu oni inauguris shildojn. En unu flanko estas la frazo en la hispana lingvo: "Que la paz prevalezca en la tierra", kaj en la alia flanko en Esperanta lingvo: "Ke la paco superregu sur la tero". Oni eksplikis klare pri la signifo de la internacia lingvo Esperanto, malmulte konata de la loghantaro, kaj rezulte, oni komencos Esperantan kurson en la biblioteko.

(Alfredo Juan Valle)