E-renkontigho okazos en Bijeljino

     Esperanto-Ligo de Respubliko Serba kaj Esperanto-sekcio de Bijeljino organizas E-renkontighon, kiu okazos de la 18-a ghis la 19-a de majo en Bijeljino. La organizantoj deziras subteni junajn esperantistojn en Bijeljino vizitantajn la kurson por komencantoj kaj esperas, ke partoprenantoj estos el Rumanio, Jugoslavio, Makedonio, Kroatio, Bulgario...

    Provizora programo: prelego "Kion donas al ni Esperanto?", populara prelego "Esperanto kaj miaj vojaghoj", promenado tra la urbo, amuza vespero, ekskurso ktp. Por aliaj informoj vi povas kontaktighi kun Esperanto-Ligo de Respubliko Serba, P. Fah 335, BA-78000 Banjaluka, Bosnio- Hercegovino. Telefonoj: + 387 51 347 186, +387 51 302 785. E-mail: elrs@blic.net, vsilva@blic.net (Mico Vrhovac) kaj ljubopr@inecco.net (Ljubisa Preradovic).

(Mico Vrhovac)

La 6-a Renkontigho de serbaj e-istoj

    La 6-a Renkontigho de serbaj e-istoj okazis de la 12-a ghis la 14-a de oktobro en Banja Luka, Respubliko Serba (Bosnio). La solena malfermo estis aparte interesa. Post salutvortoj de vicprezidanto de E-Ligo de Respubliko Serba, urbestro de Banja Luka kaj rektoro de la universitato de Banja Luka okazis tre interesa koncerto "Vivu la espero", kiun partoprenis la plej konataj kantistoj el Banja Luka kaj kelkaj el ili kantis en Esperanto. La solenan malfermon filmis Radio-Televizio de Respubliko Serba. La malfermon cheestis ankau vicprezidanto de Respubliko Serba, vicministro por scienco kaj kulturo kaj ekschefministro. Dum la renkontigho okazis ankau ronda tablo "Lingvaj malegalecoj en la mondo", lingva festivalo kaj ekskurso al konata monahhejo Liplje, malproksime de Banja Luka. La renkontighon fermis prezidanto de E-Ligo de RS s-ro Mico Vrhovac. Pri la renkontigho raportis kvar televizioj, du radioj kaj tri gazetoj.

(Mico Vrhovac)