"Kompleksia
medicino kaj saama akupunkturo" eldonighis
Jhus
aperis la verko "Kompleksia medicino kaj saama akupunkturo"
de Puramo Chong. Ghi estas tre bele fortike bindita, 260-pagha,
abunde ilustrita, eldonita de Kava-Pech en Chehhio.
Puramo
Chong en sia verko klarigas la teoriojn de i.a. Saam, kiu antau
kvar jarcentoj iniciatis unikan akupunkturon tute malsaman ol
la tradicia china akupunkturo; de Lee Jema, kiu vivis antau cent
jaroj kaj eltrovis, ke chiu homo havas unikan kompleksion, kaj
metis la fundamenton de kompleksia medicino; kaj de Kwon Dowon,
kiu kunligis la du suprajn teoriojn.
La
libro haveblas che: http://retbutiko.esperanto.be kontrau 35 euroj
+ afranko kaj mendeblas che: Flandra Esperanto-Ligo, Frankrijklei
140, BE-2000 Antwerpen, Belgio; http://www.esperanto.be/fel/;
rete: fel@esperanto.be.
(El
"Nova")
Ekspozicio
kun konkurso de infandesegnajhoj el la tuta mondo
Okaze
de la unua Tago de Infanoj en la tria jarmilo kaj Europa Jaro
de la Lingvoj, Esperanto-rondeto che la Urba Kulturcentro en urbo
Vyskov, Chehhio, preparas ekspozicion de infandesegnajhoj el la
tuta mondo kunligitan kun konkurso, kiu okazos de la 23-a ghis
la 31-a de marto 2002. La temo de la desegnajhoj "Mia Hejmo"
povas temi pri via familio, loghloko, urbo au vilagho, en kiu
vi vivas, kaj ghia chirkauajho, regiono au via lando. Por la desegnajhoj
estos tri kategorioj lau agho de iliaj autoroj: ghis 8 jaroj,
8-14 kaj 14-18 jaroj. Dorsflanke skribu la nomon, naskighdaton,
adreson kaj nomon de la desegnajho. Rekomendinda estas partopreno
de infanoj el klasoj de Kvazaulernejo de Tibor Sekelj. Desegnajhojn
prijughos vizitantoj de la ekspozicio, aparte infanoj, plenkreskuloj
kaj faka jhurio. Chiu partoprenanto ricevos memordiplomon, la
autoroj de la plej bonaj tri verkoj en chiu kategorio premion.
Formato de la desegnajhoj ne estas limigita. Konkursajhojn sendu
(pli grandajn formatojn prefere ruligitajn!) tiel, ke ili venu
ghis la 15-a de februaro 2002 al la adreso: Esperanto-rondeto,
MKS, Jana Soupala 4, CZ-682 01 Vyskov, Chehhio.
Inauguro
de la ekspozicio estas planata kiel unu el la programeroj de E-renkontigho
semajnfina okaze de la Semajno de Internacia Amikeco - RAVE 2
(Renkontigho Amikeca en Vyskov Esperantista). La programo estas
preparata kaj detaloj estos sciigitaj. Anticipajn alighojn eblas
sendi jam nun, au per ordinara au per elektronika poshto.
Kontakto
perreta por alighoj kaj eventualaj demandoj: <vojacek@jumbo.ped.muni.cz>
(Esperanto-rondeto)
La
14-a Internacia Esperanto-Konferenco okazonta
La
14-a Internacia Esperanto-Konferenco okazos inter la 14-a kaj
la 21-a de julio 2001 en Straznice, distr. Hodonin, Chehio. La
temo de la konferenco estas "Karolo Pic kaj liaj mondoj".
Jam
preskau 15 jarojn la konferencon okazigas OSIEK (Organiza Societo
de Internaciaj Esperanto-Konferencoj). La etoso de la Internaciaj
Esperanto-Konferencoj havas karakteron familian kaj klerigan.
La cheestantoj auskultas prelegojn, vigle diskutas, amuzighas,
samtempe richigas siajn sciojn, amikighas en esperantista spirito
kaj mergighas en la mondan kulturon.
La
konferencon richigos ankau kulturaj kaj turismaj programeroj,
inkluzivantaj ekskursojn al chirkauajho de Straznice kaj regeneradon
de fortoj en tipa vinkelo.
La
Cheha Poshto propagandas la konferencon per porokazaj E-afrankmashinstampilo
kaj E-rekoglumarko. Por havi plian informon skribu al: Vlada Hasala,
pk 36, 69662 Straznice, Chehio, tel.: +420-631-332 278, telefakso:
+420-631-332 507, retposhto: vlada_hasala@iol.cz, andrea_hslvc@iol.cz.
.
|