Julion de 2000 la China Esperanto-Ligo (ChEL) donis al UEA oficialan invitleteron por la UK en 2004. En la sekvaj monatoj, la e-istoj en tuta Chinio kune klopodis, la estraro kaj la Centra Oficejo de UEA kune kun ChEL diskutis kaj laboradis. Nun ni ghojas kaj devas eklabori por nova celo -- sukcesigi la kongreson.

    Nia TTT-ejo prezentos pli da informoj pri la kongreso, pri Pekino kaj pri Chinio. Viaj proponoj kaj deziroj estas bonvenaj.
La Red.

    La estraro de UEA, kunveninta en Roterdamo la 11-13-an de januaro 2002, decidis principe pri la estontaj Universalaj Kongresoj de Esperanto.

    Por 2004 la estraro akceptis la inviton de la China Esperanto-Ligo okazigi la 89-an Universalan Kongreson de Esperanto en Pekino. Oni antauvidas subtenon de la china registaro kaj entuziasman kunlaboron de la chinaj movadanoj.

    Por 2005 estis akceptita la invito de la Litova E-Asocio. Tiam la 90-a Universala Kongreso de Esperanto gastos en la chefurbo de Litovio, Vilniuso. Char en 2005 estos la centjara jubileo de la 1-a UK (tamen ne temos pri la 100-a UK, char en kelkaj jaroj la kongresoj ne okazis pro la mondmilitoj), oni antauvidas specialan antaukongresan programon en Bulonjo-sur-Maro, Francio.

    Siaflanke Litovio, proksime ligita kun la historio de Esperanto, kun elstare amasa E-movado, prezentas tre favorajn kondichojn kaj shtatan subtenon.

(El "Gazetaraj Komunikoj de UEA")

    En la 1-a de februaro 2002, okazis en Pekino kunsido de la societo "Amikoj de Esperanto" por festi ghian 20-jarighon.

    S-ro Chai Zemin, prezidanto de la societo kaj fama diplomato, retrorigardis en sia parolado la evoluon de la societo en la pasintaj 20 jaroj.

    S-ino Tan Xiuzhu, prezidanto de ChEL, alte taksis la kontribuon de la societo al la china Esperanto-mavado kaj esperas, ke pli multaj chinaj eminentuloj alighos al la societo kaj per sia grava influo pushos la chinan E-movadon al nova tajdo, profitante la shancon de preparo kaj okazigho de UK en 2004 en Pekino.

    S-ro Yu Tao, ghenerala sekretario de la ChEL raportis la laboron por invito de UK en 2004 al Pekino. Por la membroj de la societo "Amikoj de Esperanto" kaj chiuj chinaj e-istoj, estas granda ghojo ricevi la informon, ke la estraro de UEA principe decidis okazigi la 89-an Universalan Kongreson en 2004 en Pekino.

    La societo "Amikoj de Esperanto" fondighis en la 6-a de decembro 1981, sub la iniciato de s-roj Hujucz kaj Chu Tunan, vicprezidantoj de la China Popola Kongreso (china parlamento). Ghi konsistigas multajn eminentulojn el diversaj rondoj.

(Niu Xueqin)

Pliaj >>>