La 12-an de majo 2002 la Zamenhof E-Klubo por infanoj fondighis en la elementa lernejo Fuzimiao en Nankino, Chinio. Ghia celo: disvastigi kaj instigi uzon de Esperanto inter tutmondaj infanoj kaj amikighi per Esperanto kun aliaj infanoj. Zhuang Qixiong, vicprezidanto de China Sekcio de Monda Turismo, faris prelegon "Esperanto por infanoj -- Situacio kaj Estonteco". Fine, la cheestantoj kantis Esperante kaj faris komunan fotadon kune. Se vi volas kontaktighi kun ili, skribu al: Zhuang Rui, 402/14 Jiao Fu Ying, Fuzimiao, CN-210001 Nanjing, Jiangsu, Chinio. Rete: <zhuangespero@163.com>.

(Zhuang Rui)

     Post strecha preparado la Esperanto-elsendo de la China Radio Internacia (ChRI) surretighis en la 1-a de majo 2002. Tio estas komuna deziro de ni kaj niaj auskultantoj. La surretigho vekas vastan atenton kaj fortan ehhon de la monda Esperantujo, precipe de niaj auskultantoj. En malpli ol unu semajno post la surretigho Esperanto-sekcio de ChRI ricevis dekojn da retmesaghoj el internaciaj Esperanto-organizoj, landaj Esperanto-asocioj kaj diverslandaj auskultantoj. Multaj el ili jam sukcese rete auskultas nian programon kaj kontentas pri la zorgeme preparita retpagho. Ili opinias, ke la surretigho estas nova brila mejloshtono por la interpopola komunikado per Esperanto en la mondo.Iuj montris, ke la monda Esperantujo bezonas surretighon de nia elsendo, char oni volas koni veran grandan modernan Chinion. Hodiau finfine venis la longe atendita tago kaj ili povas legi sur interreto interesajn artikolojn, rigardi la belegajn paghojn kaj tio estas vere, vere granda ghuo.

    Iu brazila auskultanto esprimis, ke surlinia auskulto larghigas lian horizonton. Antau kelkaj semajnoj Chinio por li estis ankorau fora lando, sed nun shajnas al li samkiel najbara urbo kaj farighis parto de lia vivo.

    Iu usona auskultanto skribis en sia letero: "Mi ne trovas la taugajn vortojn por vin danki. Mi longtempe deziras trovi retadreson kaj fine hodiau mi ricevis ghin. Chiam mi havis¡­ havos grandegan admiron al la mirinda china popolo."

    Multaj esprimis, ke nun ili estas ne nur niaj auskultantoj, sed ankau propagandantoj de nia retpagho. Nun daure venas al ni retmesaghoj kaj leteroj kun bondeziroj kaj rimarkigoj. Ni kore dankas ilin chiujn pro iliaj subteno kaj kunlaboro. Anticipan dankon al chiuj propagandantoj de tiu afero lande kaj internacie.

Kontakto estas bonvena!
La adreso de nia retpagho: http://esperanto.cri.com.cn
La ret-poshto: espradio@cri.com.cn
La konstanta adreso: Esperanto-sekcio, cri-36, China Radio Internacia, Poshtkesto 4216, 100040 Pekino, Chinio.

(Esperanto-sekcio de ChRI)

    La Tria E-ekspozicio por Infanoj okazos en Nankino en la 1-a de junio 2002 (Internacia Infana Tago). Ghi petas gratulajn leterojn, poshtkartojn, fotojn kaj aliajn esperantajhojn el la tuta mondo. Adr.: Zhuang Rui, 402/14 Jiao Fu Yin, Fuzimiao, CN-210001 Nanjing, Jiangsu, Chinio; retadreso: zhuangespero@163.com.

(Zhuang Rui)

Pliaj >>>