Kunveno de pekinaj e-istoj

    En la 26-a de septembro 2002 pli ol 50 pekinaj e-istoj kunvenis por auskulti raportojn pri la 87-a Universala Kongreso de Esperanto en Fortalezo, Brazilo, kaj la 3-a Azia Kongreso de Esperanto en Seulo, Koreio, fare respektive de s-ino Tan Xiuzhu, prezidanto de ChEL, kaj s-ro Yu Tao, ghia ghenerala sekretario, kaj de aliaj chinaj alighintoj.

    S-ro Wang Hanping, asista ghenerala sekretario kaj direktoro de la oficejo de ChEL, konigis al la auskultantoj la laborojn de ChEL pri invitado kaj preparado de la 89-a UK okazonta en Pekino kaj raportis laborplanon en la venontaj monatoj antau la UK en Svedio, alvokante, ke la chinaj e-istoj pli diligente laboru por sukcesigi la kongreson en 2004.

(Niu Xueqin)

Du prelegoj pri Esperanto en Pekino

    En la 19-a de septembro 2002 okazis en la Shtata Biblioteko en Pekino du prelegoj pri Esperanto, aranghitaj de la Pekina Federacio de Socisciencaj Asocioj, kadre de la Pekina Semajno de Sociscienc-popularigo.

    S-ro Li Weilun, profesoro de la Pekina Lingva kaj Kultura Universitato, faris prelegon kun la temo "Esperanto estas nuntempa ideala internacia lingvo". Li tushis la facilecon de Esperanto kun ekzemploj en prononco, gramatiko kaj vortokompono, asertante ke Esperanto povas ludi rolon de internacia helpa lingvo kaj estas ideala internacia lingvo.

    S-ro Li Shijun, membro de Akademio de Esperanto kaj eksa vicchefredaktoro de la redaktoro de "El Popola Chinio", prelegis kun la temo "La lingva problemo en informa epoko". Li montris, ke en la nuna informa epoko oni bezonas komunan lingvon, kaj opiniis, ke Esperanto estas ideala solvo de la lingva problemo, char ghi ne apartenas al iu ajn nacio kaj estas neutrala lingvo. Li laudis la facilecon de Esperanto kaj ghiajn aliajn avantaghojn.

    Ili ambau emfazis, ke Esperanto estas ideala lingvo por solvi la internacian lingvan problemon. Tio estas pruvita ankau de praktikado de Esperanto dum pli ol 100 jaroj.

    La prelegojn auskultis ch. 200 chinaj esperantistoj kaj neesperantistoj.

(Niu Xueqin)

Nova revuo "Tefloro"

    La 1-an de septembro 2002 aperis en la china urbo Xinyang dumonata socikultura kaj movada revuo "Tefloro", organo de la Xinyang-a Esperanto-Asocio.

    La revuo estas eldonata en du formoj: TTT-paghoj kaj simpla teksto, minimume en 10 A4-paghoj, el kiuj la plejparto estas en Esperanto, kaj malgranda parto en du lingvoj, Esperanta kaj china.

    La revuo estas senpage abonebla per retmesagha peto che la redakcio: kunlaboro@sina.com; kaj la redaktoro deziras ankau subtenadon de esperantistoj per artikoloj originalaj kaj tradukitaj. Adr.: Zhang Xuesong, Changtaiguan Gongdiansuo, CN-464193 Xinyang, Henan, Chinio; tel.: (0376) 8821553.

• Ne sendu retleteron pli ol 40 KB.

(Zhang Xuesong)