De
la 2-a ghis la 5-a de oktobro, kiam la tuta lando trovighis en
nacifesta atmosfero, la Unua Nordokcident-Chinia Kongreso de Esperanto
okazis en Lanzhou, chefurbo de Gansu-provinco.
La
kongreson cheestis pli ol 80 esperantistoj de Han-, Ghuang-, Huj-
Manchur-, Maunan- kaj Shibe-nacioj de la nordokcidento kaj aliaj
lokoj de Chinio. Ili havis tre gajan konatighan vesperon en la
2-a, en kiu estis Esperanta kantado de "La Himno" de
Betoveno.
La
kongreso estis inaugurita antautagmeze de la 3-a. La ceremonion
prezidis s-ro Bao Jincai, ghenerala sekretario de la Esperanto-Asocio
de Gansu-provinco, kaj salutparolis s-ro Lu Wanyi, prezidanto
de la asocio. S-ro Wang Hanping, asista ghenerala sekretario de
la China Esperanto-Ligo kaj direktoro de la centra oficejo de
la ligo, salutis per varma gratulo en la nomo de la ligo. La kongreson
salutis ankau s-ro Wang Gang, vicfakestro de la Federacio de Socisciencaj
Asocioj de Gansu-provinco.
Post
mallonga inaugura ceremonio prelegis kongresano Zhang Fengde de
Shaanxi-provinco kaj kongresano Zhang Shaoji de Gungdong-provinco
respektive sub la titoloj "Disvolvo de la Nordokcidento kaj
Esperanto" kaj "Kion ni chinaj esperantistoj devas fari
por la UK de 2004". Krome oni legis al la kongresanoj prelegon
de veterana esperantisto Li Shijun de Pekino. Post la inauguro
la kongresanoj fotighis.
La
temo de la kongreso estis "Esperanto kaj Disvolvo de la Nordokcidento".
En la postaj du tagoj la kongresanoj havis profundan diskuton
pri disvastigo de Esperanto en la Nordokcidento kaj pri akcelo
de turismo kaj komerco de la loko pere de Esperanto. Krome oni
intershanghis opiniojn pri la respektiva movado kaj sperton en
tio. Oni varme diskutis pri la projektoj "Akceli Esperantan
Instruadon en Superaj Lernejoj","Volontule propagandi
kaj disvastigi Esperanton en Tibeto" kaj "Apliki ankau
Esperanton en la Olimpikoj de 2008".
Estante
provinca chefurbo, Lanzhou estas tre grava urbo en la Nordokcidento
de Chinio. Posttagmeze de la 4-a la kongresanoj vizitis la urbon.
Survoje al vidindejoj ili kantis popolajn kantojn de siaj nacioj.
Ili vizitis la Parkon de Blanka Pagodo che la Flava Rivero, ghoje
pasigante duontagon.
La
kongreso fermighis posttagmeze de la 5-a. En sia ferma ceremonio
la kongreso alvokis al la china esperantistaro sin jheti en novan
agadon, levi la nivelon de la lingvo, okazigi diversformajn aktivadojn
de Esperanto, fari interhelpon, aktive apliki Esperanton, disvastigi
Esperanton al la socio kaj varbi novajn esperantistojn por komplete
sukcesigi la 89-an UK de 2004 en Pekino. La ferma ceremonio finighis
per la nova Esperanta kanto "Kunveni tie chi" komponita
de Lu Jixin. La Dua Nordokcident-Chinia Kongreso de Esperanto
okazos en 2005 en Xining, chefurbo de Qinghai-provinco, najbare
al Gansu.
La
Unua Nordokcident-Chinia Kongreso de Esperanto okazis post pluraj
kongresoj de la Nordoriento, kaj tio vekis grandan intereson de
la loka jhurnalismo. La sukceso de la kongreso akcelos la movadon
de la loko kaj aliaj regionoj de Chinio.