En la 11-a de junio, la Jingzhou-a E-Asocio akceptis du esperantistojn el Francio, s-ron Nomas Boris kaj s-inon Nomas Veronique. Ili komencis la vojaghon tra la mondo de augusto lastjare kaj vizitis Afrikon, Amerikon, Oceanion kaj Azion. Post vizito de Vjetnamio ili venis al Chinio. En la antikva urbo Jingzhou, Hubei-provinco, ili rigardis vidindajhojn kaj faris E-prelegon en la Jingzhou-a Normala Instituto kaj aliaj altlernejoj lau invito. Antau la vojagho s-ino Veronique ne povis paroli ech unu Esperantan vorton, kaj en Chinio shi jam povis prelegi en Esperanto. La fakto montris, ke Esperanto estas fecile lernebla. Shi pruvis per sia sperto dum la vojagho, ke Esperanto estas utila.

(He Bizhong)

    Posttagmeze de la 7-a de septembro, Cai Mingzhao, vicministro de la Informa Departemento sub la Shtata Konsilantaro de Chinio kaj estro de la Fremdlingva Eldona kaj Distribua Buroo de Chinio, akceptis s-ron Osmo Buller, gheneralan direktoron de UEA, en sia oficejo. Chi-foje Osmo Buller venis al Chinio por esplori la kondichojn de Pekino, kiu petis gastigi la 89-an UK en 2004.

    En la nomo de Zhao Qizheng, ministro de la Informa Departemento, Cai esprimis varman bonvenon al s-ro Osmo. Osmo Buller diris, ke li vizitis Chinion jam en 1986, kiam en Pekino okazis la 71-a UK. Li diris, ke en la pasinta jaro UEA decidis du kandidatojn por la 89-a UK kaj unu el ili estas Pekino. Chi-foje li rigardis la kongresejon, chirkauajn hotelojn kaj amasloghejojn. Li estas tre kontenta pri la kongresejo, t.e. la Internacia Konferenca Centro, char tie la medio kaj aliaj kondichoj estas tre bonaj, kaj multe diferencas de tiuj en 1986, kiam la kongresejo estis tre malproksima de la loghlokoj. Iuj, kiuj cheestis la 71-an UK, maltrankvilas pri la longa distanco inter la kongresejo kaj loghlokoj, char la veturado estas tre temporaba. Kompare kun tio antau 15 jaroj, Pekino havas grandan progreson, kiu multe ghojigis s-ron Osmo. Li sentis grandan ghojon ankau pro tio, ke la china kaj pekina registaroj daure subtenas UK.

    Cai Mingzhao diris, ke la China Esperanto-Ligo kun granda entuziasmo petas gastigi la 89-an UK en 2004, kio estis aprobita de la china registaro kaj subtenata de la pekina. Li promesis, ke se UEA decidos okazigi la UK en Pekino en 2004, Chinio certe penos por ghia sukceso, por ke ghi farighu nova mejloshtono en la historio de Esperanto-movado. Cai kredis, ke se UK okazos en Chinio kun 1.3 miliardoj da loghantoj, tio certe estos tre utila al popularigo de Esperanto.

    Osmo Buller diris, ke post la esplorado li opinias, ke Pekino havas tre bonajn kondichojn kaj li samopinias kun Cai pri tio, ke la Pekina Kongreso havos gravan signifon, char esperantistoj de multaj landoj atentas la chinan Esp-movadon. Li mem estas leganto de El Popola Chinio kaj auskultanto de la China Radio Internacia jam de la knabeco. Li diris, ke la china E-movado utilas al la internacia E-movado.

    Cai deziris, ke Osmo Buller vizitu pli da lokoj en Pekino kaj donu konsilojn kaj sugestojn por la organiza laboro. Li donacis al Osmo albumon pri chinaj artajhoj, dum Osmo donacis al Cai "La Libro de la Mirindajhoj au la Priskribo de la Mondo" de Marko Polo en Esperanto. Cheestis la intervidighon ankau Guo Changjian, estro de la Tria Buroo de la Informa Departemento, Wang Xifu, vicdirektoro de la redakcio de El Popola Chinio, Tan Xiuzhu, prezidanto de la China Esperanto-Ligo, kaj Yu Tao, ghenerala sekretario de ChEL.