En la 19-a de oktobro 2001, la Pekina Federacio de Socisciencaj Asocioj aranghis Scienco-Forumon en la Pekina Biblioteko, en kiu fama esperantisto s-ro Li Weilun, profesoro de la Pekina Lingva kaj Kultura Universitato, faris prelegon kun la temo "La lingva problemo en la nova jarmilo". Ghin auskultis pli ol 60 esperantistoj kaj neesperantistoj. S-ro Li parolis pri la lingva problemo en la nova situacio de tutmondigho, konvinkante ke malgrau sia furoreco en la mondo la angla lingvo ne taugas por esti internacia lingvo. Li detale eksplikis la belan idealon de Esperanto, ghiajn facilan lerneblecon kaj neutralecon, asertante ke Esperanto estas bona solvo de la lingva problemo. Post la prelego li respondis diversajn demandojn de cheestantoj, iuj el ili esprimis sian deziron lerni Esperanton.

(Niu Xueqin)

    En la 20-a de oktobro la Pekina Federacio de Socisciencaj Asocioj okazigis konsultighan aktivadon "Scienco, civilizacio kaj socio" sur la Scienca kaj Teknika Placo de Xidan, unu el la plej movoplenaj komercaj centroj en Pekino. Kelkdek popolaj akademiaj organizoj inkl. la Pekinan Esperanto-Asocion (PEA) partoprenis la aktivadon.

    Antau sia tablo PEA starigis la propagandan tabulon "Esperanto -- internacia komuna parollingvo", kiu prezentas trajtojn de Esperanto kaj Esperantajn organizojn de la mondo kaj Chinio. Por la aktivado PEA preparis propagandan materialon kaj disdonis ghin al konsultantoj. La China Esperanto-Ligo kaj redakcio de El Popola Chinio donacis al interesitoj la gazeton "La Mondo" kaj aliajn propagandajhojn. En tiu libera tago multe da homoj konsultis tie. Inter ili estis studentoj, laboristoj kaj oficistoj kaj ech pensiuloj, kaj nemalmultaj el ili montris deziron lerni Esperanton informighinte, ke Pekino invitas la Universalan Kongreson por 2004. Ili esperis, ke ChEL funkciigos kurson por instrui Esperanton.

    Dum tiu tago kelkcent homoj ekkonis Esperanton.

(Wang Hanping)

Pliaj >>>