En la 23-30-a de junio 2003 en Chachak (Jugoslavio) okazos Somera Esperanto-Lernejo kun
-- Metodika seminario por E-instruantoj kaj -ontoj
-- Komenca kaj dauriga E-kursoj
-- Kultura programo.

    Informoj: Radojica Petrovic <radp@ptt.yu>.

(TEJO-Aktuale)

Seminario de Esperanto pri interreto

    Inter la 28-a de aprilo kaj la 5-a de majo 2002 en Jugoslavio okazos seminario Esperanto@Interreto kun cheftemo "Rete lingvumi" pri uzado de interreto, lingvoinstruado, eblo envolvighi en internaciaj projektoj kaj kun malalta kotizo, alta repago de vojaghkostoj!

    La seminario taugas ankau por Esperanto-komencantoj parolantaj la anglan lingvon. Pliaj informoj kaj alighilo haveblas che: <http://www.tejo.org/seminarioj/echei2002_jug.jsp>.

(Sonja Petrovic)

Programo "Ponto de Kompreno"

    La brancho de Soros-fondajho en Jugoslavio anoncis konkurson por projektoj kadre de programo "Ponto de Kompreno". La celo estas kunligado de kulturoj kaj kunlaborigo de kulturaj organizoj kaj institucioj de kaukazaj kaj mezaziaj landoj (Armenio, Azerbajghano, Kartvelio, Kazahhio, Kirgizio, Mongolio, Taghikio kaj Uzbekio) inter si kaj kun tiuj de mezeuropaj kaj orienteuropaj landoj.

    Biblioteko de Chachak, Jugoslavio, estis kunorganizanto de du esperantistaj aranghoj: Internacia Seminario Interkulturo en julio 2000 kaj Balkana Lingva Festivalo en oktobro 2001. Ghi havas pozitivan sperton kun la Soros-fondajho kaj nun ni pretigas projekton por la programo "Ponto de Kompreno". La biblioteko denove pretas akcepti kunlaboron de esperantistoj por fari kontaktojn kun kultur-organizoj kaj institucioj de la celataj landoj kaj poste por realigi la projektatan kunlaboron.

    Chiuj, kiuj volas kaj pretas kapti chi tiun shancon, bonvolu mesaghi al mi (<radp@ptt.yu>) kiel eble plej baldau. La limdato por transdoni la projekton estas 2002.01.11. Bonvenos ajna indiko pri kunlaborebloj en la celataj landoj. Ni povos plutrakti ghin ankau post la citita limdato, sed ni devus scii pri ghi tuj.

(Radojica Petrovic)