Du gravaj
renkontighoj en Kubo
Okaze
de la Zamenhofa Tago kubaj esperantistoj havis du gravajn renkontighojn.
En
la plej orienta provinco Guantanamo, Kubo, okazis jam tradicia
renkontigho, kiu arigis 24 esperantistojn el 5 provincoj, en bela
kampadejo che la maro. Dum kvar tagoj, la partoprenantoj de la
Zamenhofa renkontigho ghuis klerigan kaj distran programon. Interalie,
ni okazigis rondan tablon kun la temoj "Zamenhof la homo
kaj Zamenhof la iniciatinto de Esperanto". Krome, estis prezentita
kun komentoj la videobendo "Mazi en Gondolando" kaj
la brazila videobendo "Kulturaj eroj por artaj vesperoj"
donacita de profesoro Sylla Chavez al KEA. Distraj programeroj:
krom bela plagho, oni ghuis ankau pupteatrajhon "Bona Amiko"
fare de kuba esperantisto, kiu jam dum pluraj jaroj prezentighis
en Esperanto kaj ekster nia medio antau infana publiko en la provinco
Holguin, deklamojn de poemoj, monologojn, kunkantadon kaj dancon.
La fermo okazis per prelego pri la signifo de la unua parolado
de Zamenhof okaze de la Unua Kongreso en Bulonjo sur Maro kaj
resumo pri la kvartaga renkontigho kaj invito al la venontjara
kunveno en la sama provinco.
En
Havano la Zamenhofa Tago same estis festata la 14-an en la centra
sidejo. Per kultura vespero la partoprenantoj ghuis muzikon, poemojn,
skechojn kaj prelegon pri la signifo de tiu chi tago por la tutmonda
esperantistaro. La havanaj esperantistoj ankau pritraktis la novajn
defiojn por la jaro 2004, kiam la provinco estos sidejo de la
6-a Tutamerika Kongreso. Tiurilate, estis pasho en la serchado
de kompromisoj che la havanaj esperantistoj por sukcesigi la kontinentan
renkontighon.
(Kuba
Esperanto-Asocio)
La
hejmpagho en Sancti Spiritus
En
la urbo Sancti Spiritus, Kubo, viglas E-grupo, kiu havas hejmpaghon
kun informoj pri la urbo, loka E-agado ktp. Bv. viziti ilian hejmpaghon:
<www.gratisweb.com/diaznorberto/jajabokubo.htm>.
(Atilio
Orellana Rojas)
La
IV-a Nacia Kongreso de KEA okazonta
De
la 6-a ghis la 9-a de marto 2002 okazos la IV-a Nacia Kongreso
de la Kuba Esperanto-Asocio kun la temo "Esperanto: chu nur
lingvo?". La kongresejo estos denove la Muzeo pri Sciencoj
"Carlos Juan Finlay". Oni ghuos interkonan vesperon,
tradician aranghon, nacian vesperon, prelegojn pri la kongresa
temo, rondan tablon pri kulturo kaj Esperanto, konversacian rondon
por komencantoj, kvizon pri konoj pri Esperanto, apartan sekcion
pri scienco kaj tekniko en Esperanto kaj ekskursojn. Oni ech faros
prelegon pri kuba kuirarto kun gustumado!
(Alberto
Garcha Fumero <alberto@cied.rimed.cu>)
|