La 12-a Internacia Esperanto-Kongreso okazos en Riga

    La 12-a Internacia Esperanto-Kongreso okazos inter la 1-a kaj la 7-a de julio 2002 en Riga, Latvio. Temo: ekologio kaj multnacia kulturo en Latvio. Provizora programo: ekspozicio "Dialogo inter koroj" (pentrajhoj kaj fotoj); vizito al entrepreno, kiu produktas brikojn el rubajhoj en urbo Salaspils (lau unika metodo en Europo); prelegoj pri ekologio kaj homa sano, Europa Unio, kuracherboj, energia forto de naturo kaj kolektado de kuracherboj; koncerto; folklora festivalo, naghado en maro kaj ekskursoj.

Loghado

     Studenta domo en Riga, chambroj kun apudaj necesejoj kaj dushejoj:
3-lita chambro po 6,00 USD por unu persono kaj unu nokto;
2-lita chambro po 10,00 USD por unu persono kaj unu nokto;
1-lita chambro po 20,00 USD por unu persono kaj unu nokto.
Entute por 6 tranoktoj: 36,00 USD (3-lita), 60,00 USD (2-lita) kaj 120,00 USD (1-lita). Eblas manghi en manghejoj lau elekto kontrau 1,00 ghis 3,00 Ls po mangho.

Alighilo

Mi alighas al la 12-a Internacia Esperanto Kongreso
1-7.07.2002. en Riga, Latvio
Familia nomo ___________________________________
Persona nomo __________________________________
Sekso ______ Naskighdato (tago, monato, jaro) _________
Adreso _______________________________________________
___________________________________________________
Civitaneco ____________ Pasporta N-ro ______________
Telefono ______________ Jaro de Esperantigho ______________
Aktivado en Esperanto-turismo ____________________________
Mi pagas alighkotizon kun rabato: 50%, 15%, 10%, 5% (taugan substreki)
Mi estas en la grupo 20%.
Mi estas gvidanto-organizanto de la grupo kaj alighas senpage.
Mi volas tranokti en 3-lita X _____ noktoj, sume _____________
au 2-lita X _______noktoj, sume _________________
au 1-lita X _______ noktoj, sume _________________
Mi volas pagi surloke (sumo________).
Mi alighas al Monda Turismo vojago N-ro _________kaj pagas al MT.
Mi volas partopreni ekspozicion "Dialogo inter koroj" kaj mi alportos miajn pentrajhojn, fotojn (nombro _______) pri temo ___________________________________________________
Mi interesighas pri temo _______________________________________
kaj mi volas prelegi, intershanghi opinion, diskuti pri ghi.
Alighkotizoj: 30.04.2002. poste
15,00 USD 20,00 USD

    Organizitaj grupoj min. 10-personaj ricevos 20% rabaton kaj gvidanto alighas senpage. Artistoj kaj ensembloj, kiuj kontribuos al la programo de la 12-a IEK, rajtas ricevi 50% da rabato de la alighkotizo.

    La alighkotizo inkluzivas programon, Esperantajn chicheronojn kaj ne inkluzivas vizitadojn de muzeoj, ekspozicioj, kasteloj kaj transportadon.

Aliaj

     Post la kongreso eblas partopreni Baltiajn Esperanto-Tagojn (BET-38), kiuj okazos samloke (7.-14.07.2002).
Aktuala kurzo de USD: 1 USD = 0,6 Ls

    Speciale estas invitataj interesighantoj, spertuloj, aktivuloj (prelegantoj) pri temoj kunligitaj kun naturprotektado, reciklado de rubajhoj, edukado de turistoj, ekologia bienumado kaj naturkuracado.

    Por interesighantoj partopreni ekspozicion "Dialogo inter koroj":
1) anoncu vin ghis majo;
2) sendu au mem venu kun viaj artajhoj al la kongreso;
3) gajnu premiojn;

    Partopreni rajtas chiuj pentristoj kaj fotistoj, profesiuloj kaj nespertuloj sendepende de agho. Laborajho devas esti A4, A5, A3 au pli granda, se posedanto mem transportas.

    Koncertgrupoj devas sendi programon, nomaron, koncizan historion de la grupo por partopreno en Folklora Festivalo en Salacgriva kaj aperigo sur plakatoj. Kontaktighu kun Latvia Esperanto-Asocio, p.k. 150, Riga LV-1050, Latvio. Tel.: 7614310.

(Renato Corsetti)