Reage
al la strategia laborplano de UEA 2001-2010 "Al lingva demokratio",
en Hanojo de Vjetnamio fondighis "Verda Cigno", amatora
artisma Esperanto-klubo, kies iniciatinto estas fama poeto Dao
Anh Kha, honora membro de UEA.
La
chefa celo de la klubo estas levi la nivelon de lingvokono de
vjetnama e-istaro per poezio, muziko, kantado kaj teatro. Che
la 142-a datreveno de la naskigho de L. L. Zamenhof kaj la 45-jara
jubileo de Vjetnama Esperanto-Asocio, la klubo "Verda Cigno"
en du lingvoj -- la vjetnama kaj Esperanto -- prezentis parton
de la tragedio "Regho Lear" de Shekspiro. S-ro Dao Anh
Kha vjetnamigis la tutan tragedion kaj ludis la rolon de regho
Lear. Kunhelpis reghisoro Duc Trung, vicdirektoro de la Centra
Teatro.
La
sukcesa prezentado de ne-profesiaj aktoroj de la klubo vekis grandan
intereson de la publiko kaj gazetaro. Diversaj gazetoj, radia
kaj televida stacioj raportis pri tio.
Verkisto
Dao Quang Thep, prezidanto de Hanoja Esperanto-Asocio, diris:
"La klubo Verda Cigno che la debuto pruvis sian kapablon,
kiu promesas, ke ghi ne nur utilos por la enlanda Esperanto-movado,
sed ankau por la tutmonda."
Le
Viet Tinh, estro de la klubo, antauvidis: "Verda Cigno povos
etendi siajn belajn flugilojn ghis universalaj kongresoj de Esperanto
en diversaj landoj, por dissemi chie siajn elkorajn grajnojn por
paco, amikeco kaj interpopola kooperado."
(Lai
Thi Hai Ly)